विराटनगर । विराटनगरस्थित डिग्री क्याम्पस परिसरमा वृक्षारोपण तथा सरसफाइ कार्यक्रम आयोजना गरिएको छ । अखिल क्रान्तिकारी डिग्री क्याम्पस इकाइले मंगलबार जनयुद्ध दिवसको अवसर पारेर क्याम्पस परिसरमा वृक्षारोपण र सरफाइ कार्यक्रम आयोजना गरेको हो ।
नेकपा माओवादी केन्द्र कोशी प्रदेश सदस्य तथा युवा नेता देवा यादवको प्रमुख अतिथिमा भएको उक्त कार्यक्रममा विद्यार्थीहरुले क्याम्पस परिसर भित्र विभिन्न प्रजातिका विरुवा वृक्षारोपण गरेका छन् । उनीहरुले वृक्षारोपण सँगै क्याम्पसर परिसरभित्र र बाहिर सरसफाइ पनि गरिएको अखिल क्रान्तिकारीले जनाएको छ । कार्यक्रममा अखिल क्रान्तिकारीका विद्यार्थी नेता र विद्यार्थीहरुको सहभागिता रहेको थियो ।