विराटनगर । वरिष्ठ सामाजिक अभियान्ता एवं स्वन्त्र सेनानी तोरेन्द्रमान सिंह प्रधानको स्मृतिग्रन्थको लोकार्पण भएको छ । तोरेन्द्रमान सिंह फाउण्डेसनले विराटनगरमा एक कार्यक्रम आयोजना गरी प्रधानको स्मृतिग्रन्थको लोकार्पण गरिएको हो ।

कार्यक्रमको प्रमुख अतिथी कोशी प्रदेश प्रमुख पर्शुराम खापुङले प्रधानको स्मृतिग्रन्थको लोकार्पण गरे । प्राकृतिप्रेमी, वरिष्ठ समाजिक अभियान्ता, सबैका अभिभावक एवं स्वतन्त्र सेनानी प्रधानको बहुआयामिक व्यक्तित्वका विषयमा लेखिएको ५० वटा लेख संग्रहित स्मृति ग्रन्थ प्रकाशनमा ल्याएको हो । स्मृति ग्रन्थमा ४७ नेपाली लेखका साथै दुई अंग्रेजीमा र एउटा नेवारी लेख संग्रहित छन् ।

स्वर्गीय सिंहका बालसखा, राजनितिक व्यक्तित्वसहित सामाजिक अभियन्ताहरूले उनका बिषयमा लेखेका लेखहरू संकलन गरी स्मृति ग्रन्थ प्रकाशनमा ल्याइएको फाउण्डेशनका अध्यक्ष सुर्दशनबहादुर श्रेष्ठले जानकारी दिए । पहिलो संस्करण ५ सय प्रति स्मृति ग्रन्थ प्रकाशनमा ल्याइएको फाउण्डेशनका अध्यक्ष श्रेष्ठले बताए । कार्यक्रममा स्मृतिग्रन्थका सम्पादक दिनेश श्रेष्ठ र भाषा सम्पादक गणेश बज्राचार्यलाई प्रदेश प्रमुख खापुङले सम्मान गरे ।

कार्यक्रममा तोरेन्द्रमानसिंह फाउण्डेशनका संरक्षक इन्दिरा प्रधान, स्वर्गीय सिंहका बलसखा मुकुन्द नेपाल र समाजसेवी केदारमल तोदी लगायतको सहभागिता थियो । विराटनगर–१० निवासी स्वतन्त्रता सेनानी सिंहको ९१ वर्षको उमेरमा २०७९ असोज ३ गते देहावसान भएको थियो ।

तारेन्द्रमान सिंह फाउण्डेशनका अध्यक्ष सुदर्शन बहादुर श्रेष्ठको अध्यक्षतामा भएको उक्त कार्यक्रमको बिशेश अतिथी बालसखा केदारमल तोदि र मुकुन्द नेपाल रहेका थिए । कार्यक्रममा सुदर्शन बा श्रेष्ठ, श्याम पौडेल, डा. सम्झना प्रधान, मुकुन्द नेपाल, राजन श्रेष्ठले बोलेका थिए । कार्यक्रम सन्चालन फाउन्डेसनका सचिब हरि बहादुर श्रेष्ठले गरेका थिए ।