हिमालय दर्शन कलेजका विद्यार्थीले बनाएका वेबसाइट सामुदायिक विद्यालयलाई निःशुल्क हस्तान्तरण

 न्यूज विराट
हिमालय दर्शन कलेजका विद्यार्थीले बनाएका वेबसाइट सामुदायिक विद्यालयलाई निःशुल्क हस्तान्तरण

विराटनगर । विराटनगरस्थित हिमालय दर्शन कलेजमा अध्ययनरत विद्यार्थीहरूले बनाएका चार वटा सामुदायिक विद्यालयको वेबसाइट हस्तान्तरण गरेका छन् । प्राविधिक विषय पढ्दै आएका चार जना विद्यार्थीले विराटनगरको तीन वटा र मोरङको ग्रामथान गाउँपालिकामा रहेको एउटा गरी चार वटा सामुदायिक विद्यालयको वेबसाइट सोमबार एक कार्यक्रम आयोजना गरी विद्यालयका प्रधानध्यापकहरूलाई निःशुल्क हस्तान्तरण गरेका हुन् ।

हिमालय दर्शन कलेजको बिआइएम सातौँ सेमेस्टरमा अध्ययनरत छात्रा प्रशंसा लुइँटेल, बीसिए पाँचौँ सेमेस्टरमा अध्ययनरत सिवानी साह, बीसिए सातौँ सेमेस्टरमा अध्ययनरत भबिस भट्टराई र बीएससी सिएसआइटी आठौँ सेमेस्टरमा अध्ययनरत रामाशिष कामतले सामुदायिक विद्यालयहरूको वेबसाइट निमार्ण गरेका हुन् । लुइँटेलले विराटनगरस्थित श्री सरस्वती मावि, साहले जनपथ स्कुल, भट्टराईले श्री मिल्स मावि र कामतले सरस्वती नमुना स्कुलको वेबसाइट निमार्ण गरेका थिए ।

पढाइमा सिकेको ज्ञान उनीहरूले व्यवहारमा उतार्दै सामाजिक उत्तरदायित्व अन्तर्गत सामुदायिक विद्यालयको निःशुल्क रूपमा वेबसाइट निमार्ण गरी हस्तान्तरण गरेको कलेज प्रमुख भरत सापकोटाले जानकारी दिए । पहिलो चरणमा चार वटा सामुदायिक विद्यालयहरूको वेबसाइट निमार्ण गरी हस्तान्तरण गरेको उनले बताए । ‘मोरङमा मात्र नभएर अन्यत्र जिल्लाका सामुदायिक विद्यालयहरूको पनि वेबसाइट निमार्ण गर्ने हामीले तयारी गरेका छौँ,’ कलेज प्रमुख सापकोटाले भने, ‘यहाँ अध्ययनरत विद्यार्थीले १५ वटा सामुदायिक विद्यालयको निःशुल्क वेबसाइट निमार्ण गरी हस्तान्तरण गर्ने तयारी गरिएको छ ।’ अरू विद्यालयको क्रमशः विद्यार्थीहरूले वेबसाइट निमार्ण गरी हस्तान्तरण गर्नेछन् ।
कलेजका विद्यार्थी लेसान्त सापकोटाले पढाइमा सिकेको कुरा व्यवहारमा उतारेको बताए । उनले आगामी दिनमा अन्य सामुदायिक विद्यालयहरूको पनि वेबसाइट निमार्ण कार्यलाई निरन्तर दिने बताए । विद्यार्थीहरूले निमार्ण गरेको वेबसाइट विद्यालयका प्रधानाध्यापक र शिक्षकहरू माझ प्रस्तुत गरेपछि हस्तान्तरण गरिएको थियो ।


कार्यक्रममा बोल्दै हिमालय दर्शन कलेजका निर्देशक भेषराज पोखरेलले गुणस्तरीय शिक्षा प्रदान गरेको कारणले हिमालय दर्शन कलेजले दक्ष जनशक्तिहरू उत्पादन गर्न सुरु गरेको बताए । कलेजमा अध्ययन गर्दै आएका विद्यार्थीले सिकेको ज्ञान व्यवहारमा उतार्दै सामुदायिक विद्यालयको निःशुल्क रूपमा वेबसाइट निमार्ण गरी हस्तान्तरण गरेको बताए । दक्ष प्राविधिक जनशक्तिहरू उत्पादन स्थानीय स्थरमा हुन थालेपछि काठमाण्डौं जानुपर्ने बाध्यताको पनि अन्त्य भएको उनले बताए । पढाइ सँगै विद्यार्थीहरूलाई स्वरोजगार बनाउने ध्यानमा कलेज गएको उनले सुनाए । हिमालय दर्शन कलेजले चाँडै कम्पनी पनि दर्ता गरी विद्यार्थीलाई स्वरोजगार बनाउने लक्ष्य लिएर अगाडी बढेको उनले बताए ।
कार्यक्रममा बोल्दै जनपथ स्कुलका प्रधानाध्यापक हरि प्रसाद पराजुलीले सामुदायिक विद्यालयको गतिविधिको सम्पूर्ण जानकारी दिन बनाएको वेबसाइट निक्कै प्रभावकारी रहेको बताए । उनले सामुदायिक विद्यालयको शैक्षिक गुणस्तरको सुधार गर्ने हो भने प्रविधिमा पनि लगानी गरिनुपर्ने बताए । निजी क्षेत्रबाट विद्यालयको हरेक गतिविधि देखाउन निर्माण भएको वेबसाइट प्रदान गर्ने विद्यार्थीहरूलाई उनले आभार प्रकट गरे । कलेजका एकाडेमी प्रमुख कुसल निरौला र कलेजका प्रध्यापक कमल साहले प्राविधिक सहजिकरण गरेका थिए ।

सम्बन्धित समाचार

मोरङको कटहरीमा दुर्घटना, हुलाकका कर्मचारीको मृत्यु

विराटनगर । मोरङको कटहरिमा सवारी दुर्घटनामा परेर हुलाकका कर्मचारीको घटनास्थलमै मृत्यु भएको छ । पश्चिम दिशाबाट आउँदै गरेको ट्रकले पछाडिबाट मोटरसाइकललाई ठक्कर दिँदा मोरङको बुढिगंगा १ का ३७ बर्सिया चन्द्रमणि अधिकारीको घटनास्थलमै मृत्यु भएको प्रहरीले...

लागुऔषध सहित मोरङ र झापाबाट पाँच जना पक्राउ

विराटनगर । मोरङ र झापाबाट लागूऔधषसहित पाँच जनलाई प्रहरीले पक्राउ गरेको छ । झापाबाट तीन र मोरङबाट दुई जनालाई लागूऔषधसहित पक्राउ गरेको हो । झापाको २ छुट्टा छुट्टै स्थानहरुबाट ३ जना लाई प्रहरीले प्रतिबन्धित लागुऔषध...

फर्मासिस्ट दरबन्दी सृजना गर्न लागि पर्नेछु : स्वास्थ्य सचिब देवकोटा

विराटनगर । स्वास्थ्य मन्त्रालय कोशी प्रदेशकी सचिब डा. सुधा देवकोटाले फर्मासिस्टको दरबन्दी सृजना गर्न पहल गर्ने बताएकी छिन् । नेपाल फर्मास्युटिकल एसोसिएन (एनपीए) कोशी प्रदेशले विराटनगरमा सोमबार विश्व फर्मासिस्ट दिवसको अवर पारेर आयोजना गरिएको कार्यक्रममा...

पहिचानको आन्दोलन एमालेप्रतिमात्र लक्षित भयो : मुख्यमन्त्री

विराटनगर । कोशीका मुख्यमन्त्री हिक्मतकुमार कार्कीले संघीय सरकारको नेतृत्व गरेकै दलले प्रदेश नामकरणको विपक्षमा भएको आन्दोलनलाई उक्साइरहेको आरोप लगाएका छन् । गृहमन्त्रालयले विराटनगरमा आयोजना गरेको कार्यक्रममा उनले कोशीमा समस्या उत्पन्न गराउने र आगोमा घिउ थप्ने...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्