विराटनगर । विराटनगर ५ स्थित एभरेष्ट सेकेण्डरी स्कूलमा जारी एभरेष्ट स्पोर्ट्स मीट सोमबार सम्पन्न भएको छ । ९ माघमा सुरू भएको स्पोर्ट्स मीट विजेता खेलाडीलाई मेडल वितरण गर्दै सम्पन्न भएको हो ।

कक्षा नर्सरी देखि ६ सम्मका विद्यार्थीलाई यस अघिनै मेडल वितरण गरिएको थियो । कक्षा ७ र ८ का विजेता विद्यार्थीलाई आज वितरण गरिएको विद्यालयकी अतिरिक्त क्रियाकलाप ईन्चार्ज सुधा डंगोलले बताइन् । उनका अनुसार कक्षा ७ र ८ का विद्यार्थीहरूको शनिबारदेखि सोमबार सम्म विभिन्न स्पर्धाहरू सम्पन्न भए । जस अन्तर्गत १०० मिटर दौड छात्रतर्फ कक्षा ७ बाट अरमान खान प्रथम, सुलक्ष अर्याल दित्तिय र सुग्यान गौतम तृतिय हुँदा कक्षा ८ बाट रुपक दाहाल प्रथम, अमन यादव दित्तिय र इन्द्रनारायण यादव तृतीय भए ।

१०० मिटर दौडमै छात्रा तर्फ कक्षा ७ बाट कृषु खनाल प्रथम, मान्यता बस्नेत दित्तिय र कुमकुम मिश्र तृतीय हुनुभयो भने सोही स्पर्धामा कक्षा ८ बाट सिम्रन चौधरी प्रथम, प्रीतिस्मा कोइराला दित्तिय र प्रविग्या कोइराला तृतीय भए ।