विराटनगर । विराटनगरस्थित जेसी बाल सदन स्कुलमा विज्ञान प्रर्दशनी आयोजना गरिएको छ । स्कुलमा परिसरमा शनिबार खाना महोत्सव, कलाकृति तथा विज्ञान प्रर्दशनी आयोजना गरिएको हो ।

प्रर्दशनीमा विद्यार्थीहरुले बनाएको खानाको परिकारको साथै विज्ञानसँग सम्बन्धीत विभिन्न बस्तुहरु प्रर्दशनीमा राखिएको जेली बाल सदनका प्रिन्सिपल तुलसी दुलालले जानकारी दिए । प्रर्दशनीमा २० वटा स्टल रहेको उनले बताए । विद्यार्थीको प्रतिभा उजागर गर्ने उद्दश्यले प्रर्दशनी गरिएको प्रिन्सिपल दुलाले बताए ।

‘विद्यार्थीहरुले सिकेको ज्ञान व्यवहारमा उतार्नु पनि हो । साइन्सबाट नयाँ नयाँ प्रविधिको बारेमा जानकारी दिनेछन् । किताबी ज्ञानले मात्र पुग्दैन । अहिले विद्यार्थी सिप विकासमा लागि परेका छन् । त्यसतर्फ विद्यालयले ध्यान दिएको हो,’ उनले भने ।
कार्यक्रमको उद्घाटन विद्यालय व्यवस्थापन समितिका अध्यक्ष टिकाराम ढकालले गरेका थिए ।