विराटनगर । मोरङ प्रहरीले पाँच महिनामा झण्डै दुई सय जना फरार प्रतिवादी पक्राउ गरेको छ । चालु आर्थिक वर्षको साउन देखि मंसिर १२ गतेसम्म १९७ जना फरार प्रतिवादी पक्राउ गरेको मोरङ प्रहरीका प्रवक्ता डिएसपी रन्जन कुमार दाहालले जानकारी दिए ।

प्रहरीले मंगलबार र बुधबार मात्र १४ जना फरार प्रतिवादी पक्राउ गरेको उनले बताए ।
१९७ जना फरार प्रतावदीहरूलाई मोरङ जिल्ला अदालतमा बुझाई ५२ बर्ष ८ महिना ५ दिन कैद र ३५ लाख ५३ हजार ३६४ रुपैयाँ जरिवाना असुल भएको मोरङ प्रहरीले जनाएको छ ।