वायु प्रदूषण उच्च भएकाले मर्निङवाकमा ननिस्कन स्वास्थ्य मन्त्रालयको आग्रह - News Birat

वायु प्रदूषण उच्च भएकाले मर्निङवाकमा ननिस्कन स्वास्थ्य मन्त्रालयको आग्रह

न्यूज विराट

काठमाडौं, २१ पुस-काठमाडौं उपत्यकामा वायु प्रदूषण उच्च भएसँगै स्वास्थ्य तथा जनसंख्या मन्त्रालयले मर्निङवाकमा नस्किन सबैलाई आग्रह गरेको छ । मन्त्रालयले सुचना जारी गर्दै अकास्मात आएको वायु प्रदूषण उच्च भएकाले केही समय मर्निङवाकमा निस्कन नहुने, आगो नबाल्ने, गाडी कम चलाउने र एक दुई दिन उद्योग कलकारखाना बन्द गर्नुपर्ने जनाएको हो ।

प्रदुषणका कारण छाती, फोक्सोलगायतका अंगमा असर गर्छ । प्रदूषणका कारण कोभिड संक्रमणमा असर नपरे पनि दुवैले एउटै अंगमा असर गर्ने छ । यसअघि वातावरण विभागले अत्यावश्यक कामबाहेक साँझ र बिहान घरबाहिर ननिस्कन आग्रह गरेको थियो ।

रियल टाइम एयर क्वालिटी इन्डेक्स (एक्यूआई)का अनुसार काठमाडौं उपत्यकाको वायु प्रदूषण जोखिमको तहमा पुगेको छ । एक्यूआईका अनुसार अहिले काठमाडौं उपत्यकाका विभिन्न स्थानमा वायू प्रदूर्षण सूचकांक न्यूनतम् ३ सय ५९ छ भने अधिकतम् ४ सय ८ छ । एक्यूआईमा ३ सय १ भन्दा माथिको संख्या देखिनु भनेको उच्च जोखिमको संकेत हो ।

यसअगाडि कात्तिक २०७६ मा एक युरोपेली संस्थाले प्रकाशित गरेको एक रिपार्टमा काठमाडौं संसारका प्रदूषित राजधानीमा काठमाडौं सातौँ स्थानमा थियो । सोमबार काठमाडौंको वायु प्रदूषण विश्वमै नम्बर एकमा पुग्यो । स्वीटजरल्याण्ड मुख्यालय रहेको एक्यूआईले सोमबार ७.४५ बजे काठमाडौंको एक्यूआई ४८७ पुगेको देखाएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles