विराटनगर । अनुमति बेगार संचालन गरेको विग हस्पिटल शिलबन्दी गरेको समचार संकलन गर्न गएका संचारकर्मीमाथि हातपात गर्ने हस्पिटलका एक जना कर्मचारीलाई प्रहरीले पक्राउ गरेको छ ।
मोरङ प्रहरीले बिग हस्पिटलका रेडियोलोजी विभागमा कार्यरत कर्मचारी विराटनगर ९ का ३३ वर्षीय रोशन यादवलाई पक्राउ गरेको हो ।
पक्राउ परेका यादवले संचारकर्मीहरु हुसेन शेख, विरेन्द्र कुमार साह, नविन कर्ण, सोनुकुमार दास र जितेन्द्र कुमार ठाकुरलाई दुव्र्यवहार गरेका थिए । उनीहरुको संञ्चार उपकरण खोसेर धाक धम्की पनि दिएको संचारकर्मी हुसेन शेखले बताउनुभयो ।

पक्राउ परेका यादव विरुद्ध पीडित पत्रकारहरुले मोरङ प्रहरीमा पनि उजुरी दर्ता गराएका छन् । हस्पिटलका कर्मचारी यादवलाई प्रहरीले जिल्ला प्रशासन कार्यालय मोरङमा अभद्र व्यर्वहारको मुद्दामा म्याद थप गरी अनुसन्धान सुरु गरिएको मोरङ प्रहरीका प्रवक्ता डिएसपी रन्जन कुमार दाहलाले जानकारी दिनुभयो ।

यसैबिच सञ्चारकर्मीहरु विरुद्ध दुर्व्यवहार गर्ने हस्पिटलका कर्मचारीविरुद्ध कडा कारबाही गर्न पत्रकार सम्बद्ध संघ संगठनहरुले माग राखेका छन् । नेपाल पत्रकार महासङ्घ मोरङसहित प्रेस सङ्गठन, प्रेस युनियन मोरङले विज्ञप्ति जारी गरी सञ्चार कर्मीहरूलाई दुर्व्यवहार गर्ने हस्पिटलका कर्मचारी र सञ्चालकहरूलाई कारबाहीको माग राखेका छन् ।