विराटनगर । नेवारी भाषाको धर्म संस्कृतिक संरक्षणमा जोड दिनुपर्ने एक कार्यक्रममा सहभागिहरुले बताएका छन् । झी पुच : (नेपाल भाषा तथा सांस्कृतिक संघ) विराटनगरले बिहीबार आयोजना गरेको कार्यक्रममा सहभागिहरुले भाषा, धर्म र संस्कृति सभ्यतासँग जोडिएकाले आफ्नो भाषा र लिपी संरक्षणको लागि सबै लाग्नुपर्नेमा जोड दिएका हुन् ।

भातृ भाषा, संस्कृतिहरू लोप हुदै गएकोप्रति चिन्ता व्यक्त गर्दै उनीहरूले यसको संरक्षणको लागि घरबाट अभियानको सुरू गरिनुपर्ने उनीहरूले बताए । झी पुचः विराटनगरका संरक्षक राजन श्रेष्ठले नेपालीहरुमा पश्चिमी संस्कृति भित्रिएको प्रति चिन्ता व्यक्त गर्दै उनले भातृभाषाको जर्गेना गर्न पठन संस्कृतिको विकास गरिनुपर्ने बताए ।‘भाषा हराउनु भनेको हाम्रो संस्कृति र पहिचानसँगै सभ्यता हराउनु हो,’ उनले भने, ‘तेही भएर भाषा संस्कृति र लिपिको संरक्षण गरिन भाषा प्रशिक्षण जरुरी रहेको छ ।’ झी पुच विराटनगले भाषा, धर्म संस्कृतिको संरक्षणमा एकताबद्ध भएर लागि परेको उनले बताए ।
कार्यक्रममा झी पुचः का निर्वतमान अध्यक्ष हरीबहादुर श्रेष्ठले भाषा र लिपीलाई पठन संस्कृतिको रूपमा विकास गरेर लैजानुपर्ने बताए । मातृभाषा सम्पती भएकाले यसको संरक्षणमा सबै लाग्नुपर्नेमा उनले जोड दिए ।

कार्यक्रममा झी पुचः विराटनगरका अध्यक्ष भविष श्रेष्ठले आगमी योजना र कार्यदिशा बारेमा जानकारी गराए । सोही कार्यक्रममा झी पुचः का नवनिर्वाचित पदाधिकारी र सदस्यहरुको काम, कर्तब्य र अधिकारको विषयमा पनि प्रशिक्षक सन्देशदास श्रेष्ठले जानकारी गराए ।