विराटनगर । मोरङमा सावारी साधानको गति मापनगर्ने यन्त्र (राडार गन) प्रयोगमा ल्याइएको छ । तीब्र गतिमा गाडी चलाउँदा गाडी दुर्घटना बढेको निश्कर्ष निकाल्दै ट्राफिक प्रहरीले जिल्लामा पहिलो पटक गाडीको गति मापन गर्ने यन्त्र प्रयोगमा ल्याइएको हो ।

जिल्ला ट्राफिक प्रहरी कार्यालय मोरङले पहिलो पटक उक्त यन्त्रको परिक्षणमा ल्याएको ट्राफिक प्रमुख प्रहरी निरीक्षक सुमन न्यौपानेले जानकारी दिए । यसअघि मादक पदार्थ सेवन (मापसे) गरी सवारी चलाउादा दुर्घटना बढको भन्दै प्रहरीले मापसे चेकजााच गर्न ब्रेथलाइजर मेसिनमा प्रयोगमा ल्याएको थियो ।

दुर्घटना न्युनिकरण तथा ट्राफिक सचेतना अभियान अन्तर्गत जिल्ला ट्राफिक प्रहरी कार्यलय मोरङले बिहीबारदेखी विराटनगरका मुख्य सडक तथा सहयाक सडकमा रडार गन प्रयोग गरी तिव्र गतिमा कुदाइएको सवारी साधानलाई कारबाही गर्न थालेको ट्राफिक प्रहरी निरीक्षक न्यौपानेले बताए । पुर्व पश्चिम राजमार्गमा पनि विभिन्न स्थानहरुमा रहेका चेकपोष्टहरुमा रडार गनको प्रयोग गर्दै ट्राफिक सचेतना अभियान संचालन गर्ने साथै आगामी दिनमा पनि यो अभियानलाई निरन्तरता दिने उनले बताए ।
‘सवारी चालकको आफ्नै लापारबाहीले गर्दा धेरै भन्दा धेरै दुर्घटना हुने गरेको पाइएको छ । बरु सवारी दुर्घटना हुनुभन्दा अगाडी नै सवारी चालकहरु सचेत गराउन यो उपकरण प्रयोगमा ल्याएको हो,’ उनले भने ।
दुर्घटना न्यूनिकरणमा सहयोग पुग्ने अपेक्षासहित अहिले मोरङको पुर्व–पश्चिम राजमार्गसहित, विराटनगर र हुलाकी सडकहरुमा अभियान केन्द्रित हुनेछ । ‘ हामीले प्रयोगमा ल्याएको राडर गन विशेष किसिमको अत्याधुनिक छ । यसले परैबाट आइरहेका तीव्र गतिका सवारी साधनबारे तत्काल संकेत दिने र ३ सय समटरमा आएपछि गति मापन गर्छ । त्यस्तो गाडी तीब्र गति छ भने सय मिटरको दुरीमा आएपछि नम्बर सहितको सवारीसाधनको फोटो खिचिन्छ । मेसिनकै सहायताले ओभर स्पीडका त्यस्ता सवारीसाधन रोकेर सम्झाई बुझाई गरी कारबाहीको दायरामा ल्याउनेछ,’ प्रहरी निरीक्षक न्यौपनेले भने, ‘कुन गाडी कति गतिमा गुडेको छ । त्यसले गनमा अंक देखाउँछ र तस्बिर पनि खिच्ने भएकोले तत्काल स प्रमाणसहितको चिट दिई कारबाही गर्न पनि सहज हुने छ ।’
राडार गनले सवारीको गति नापेर हेर्दा प्रतिघण्टा एक सय किलोमिटरसम्मको गतिमा सवारी कुदेको देखिएको छ ।