विराटनगर । नेकपा एमालेको कोशी प्रदेश अधिवेशनमा अपरान्ह ५ बजेदेखि मतदान हुने भएको छ । यसअघि दिउँसो १ बजेदेखि सुरु गर्ने भनिए पनि तयारी नपुगेकाले समय सारिएको प्रमुख निर्वाचन अधिकृत चुडामणि आचार्यले जानकारी दिए ।

मतदानका लागि ३५ स्थानबाट मत हाल्ने व्यबस्था गरिएको छ । मुख्य निर्वाचन अधिकृत आचार्यले १ जनाले १५ मिनेटमा मत हालिसक्ने गरिको तयारी भएको बताए ।

निर्वाचन कार्यालयले उम्मेदवारको अन्तिम नामावली प्रकाशन गरेको छ । एमालेको कोशी प्रदेश कमिटीको अध्यक्षमा घनश्याम खतिवडा र विनोद ढकाल उम्मेदवार छन् ।

उपाध्यक्षमा टीकाराम चेम्जोङ निर्विरोध निर्वाचित भएका छन् । सचिवमा शैलेश लामा र राजकुमार भण्डारी उम्मेदवार छन् ।

२१५ सदस्यीय प्रदेश नेतृत्व छनोटका लागि ९९७ जना प्रतिनिधिले मतदान गर्नेछन् ।