विराटनगर । विराटनगर ३ पिपल चौकस्थित हाउस लाउन्ज एण्ड बार संचालनमा आएको छ । महिला उद्यमी श्रुती शर्माले करिब १ करोड रुपैयाँ लागतमा हाउस लाउन्ज एण्ड बार शुक्रबारदेखि संचालनमा ल्याएकी हुन् ।

पारिवारिक, खुल्ला र रमणीय वातावरणमा रमाउँदै सबै किसिमका खानाका साथै पेयपदार्थहरुको आनन्द लिन चाहने पारखीहरुका लागि विराटनगरमा ओपन हाउस लाउन्ज एण्ड बार खुलेको छ । शिक्षाको क्षेत्रमा लागेर काम गरिरहेकी शर्माले आजको समयमा एउटा व्यापार व्यवसाय, पेशामा मात्र लागेर जिविका चलाउन नसकिने भन्दै यो व्यवसायमा आफ्नो रुचि रहेकाले सुरु गरेको बताएकी छिन् ।

यस रेस्टुरेन्टमा थकाली खानादेखि लिएर इन्डियन, चाईनिज र विभिन्न महादेशीय खानाका परिकारहरुका साथै बारको पनि व्यवस्था गरिएकाले सबै किसिमका खाना र पेय पदार्थका पारखीहरुका लागि एकै छाना मुनि सबै पाइने उनले जानकारी दिइन् । पहिले काठमाडौँमा फ्लेम्स् रेस्ट्रो क्याफेको रुपमा सुरु गरेको व्यापारलाई टिमसहित विराटनगरमा सारिएको उनले बताइन् ।

रेस्टुरेन्टले करिब १६ जनालाई रोजगारी पनि दिने उनले बताइन् । रेस्टुरेन्ट हरेक दिन दिउँसो १२ बजेबाट बेलुका १० बजेसम्म खुला रहनेछ । साथै यहाँ अनलाइन अडर र डेलिभरीको पनि व्यवस्था गरिएकोले घरमा बसीबसी खाना अर्डर गर्न सकिनेछ ।

यस्तै बुधबार ‘वेडनस्डे वुमेन नाइट्स’ मा महिलाहरुका लागि विभिन्न अफर, शुक्रबार ‘फ्राइडे नाइट्स’मा संगीतिक कार्यक्रमको पनि आनन्द लिन सकिनेछ ।