विराटनगर । पाँचौं संस्करणको एसविएससि सिङ्गिङ स्टारको लाइभ राउन्टमा ५० जना प्रतियोगि छनोट भएका छन् ।
सेमिफाइनलमा पुगेका ११६ जनाबाट मंगलबार लाइभ राउन्टको लागि ५० जना छनोट भएका हुन् ।

विराटनगरस्थित एभरेष्ट स्कुलमा भएको सेमिफाइनल चरणबाट उत्कृष्ट हुने विद्यार्थीहरुलाई लाइभ राउन्टमा छनोट गरिएको कार्यक्रम संयोजक हिरा थापाले जानकारी दिए । लाइभ राउन्टबाट फाइनलमा १० जना छनोट गर्ने तयारि गरिएको छ । लाइभ राउन्ट दशैं पछि गर्ने तयारी गरिएको छ ।

संस्थागत विद्यालय बचत तथा ऋण सहकारी संस्था लिमिटेडको आयोजना भएको सिङ्गिङ स्टारको सेमिफाइनलमा विभिन्न चरणको अडिसनबाट छनोट भएका थिए । उर्लाबारी, रंगेली, विराटचोक र विराटनगरमा छनोट चरणको अडिसन भएको थियो । ‘आवाज तपाईको, गौरभ राष्ट्रको, देन निजी स्कुलहरू’ को भन्ने मुल नाराका साथ भएको प्रतियोगिताको बिजेताले २५ हजार, द्धितीयले १५ हजार, तृतीयले १० हजार र सान्तवनाले जनही ५ हजार रुपैयाँ प्राप्त गर्नेछन् ।

]छनोट चरणको निर्णायकहरूमा सुमन श्रेष्ठ, दिपेन थापा, जेवी थुलुङ र दुर्गा पराजुली रहेका छन् । विद्यार्थीहरुमा भएको अन्तरहिन क्षमता प्रस्फुटन गर्ने उद्देश्यले सिङ्गिङ स्टार प्रतियोगिता आयोजना गरिएको प्याब्सन विराटनगरका पुर्व अध्यक्ष इन्द्र राईले जानकारी दिए ।