विराटनगर । विराटनगरस्थित अरनिको बहुउद्देश्यीय सहकारी संस्थाले आफ्ना शेयर सदस्यहरुलाई एकै थलोमा व्यवस्थित रुपमा बसोबास गराउन कोलोनि बनाउने भएको छ । विराटनगर–१९ स्थित खोरिया क्षेत्रमा अरनिको नगर कोलोनी बनाउने भएको हो ।

शेयर सदस्यहरुलाई घर निर्माण गर्ने गरि उपलब्ध गराइएको उक्त जग्गाको धनीपूर्जा आइतबार विराटनगरमा एक विशेष कार्यक्रम आयोजना गरेर वितरण गरिएको छ । आफ्ना शेयर सदस्यका लागि एउटै थलोमा कोलोनी बनाउने उद्देश्यले ६ बिघा १७ कठ्ठा १६ धर जग्गा खरिद गरिएको छ । जसमध्ये संस्थाको नाममा दश कठ्ठा राखेर बाँकी जग्गा १०४ परिवारका लागि व्यक्तिगत रुपमा वितरण गरिएको छ ।

कोलोनीका अगुवा हरिभक्त सिटौलाले अहिले उक्त क्षेत्रमा माटो पुर्ने, कम्पाउण्डवाल बनाउने, सडक नाला निर्माणको काम भईरहेको जानकारी दिए । जग्गाधनीहरुलाई एक कठ्ठामा नघट्ने गरि लालपूर्जा पूर्व संघीय मामिला तथा सामान्य प्रशासनमन्त्री अमनलाल मोदीले वितरण गरेका हुन् । उक्त जग्गामा मोडलको रुपमा घरहरु निर्माण गरेर आफ्ना शेयर सदस्यहरुको कोलोनीमा विकास गर्ने योजना राखिएको दावी छ ।

टौलाले विराटनगरको विकट स्थानमा बस्ती विकास गर्दा शहरको क्षेत्र समानरुपमा विस्तार हुने धारणा राखेका छन् । उनले अरनिको सहकारीका सदस्यहरुलाई एकै थलोमा समेट्ने मनसाय राखेर अगाडी सारिएको योजनालाई सार्थकता दिने दावी गरेका छन् ।