विराटनगर । नेपाल उद्योग तथा व्यवसायी महासंघ विराटनगर महानगर कमिटिले तिज विशेष कार्यक्रम आयोजना गरी मनाएको छ । विराटनगरमा शुक्रबार भव्य कार्यक्रम आयोजना गरी महिलाहरुको पर्व तीज मनाएका हुन् ।

उनीहरुले दिनभरी रमाइलो कार्यक्रम आयोजना गरे । तीज विशेष सांगीतिक गीतमा छमछमी नृत्य गरी रमाइलो गरे । सहभागिहरुले गीत प्रस्तुत गरी थप रमाइलो गरे ।

एकल नृत्य प्रतियोगितामा उमा मगर प्रथम भएकी थिइन् । द्धितीय इशा ढकाल र तृतीय सलिना बस्नेत भइन् । म्यूजिकल चियरमा खुस्बु मण्डल प्रथम भइन् । नृत्य प्रतियोगिताको निर्णायकहरुमा पूर्वाञ्चल डान्सिङ्ग सेन्टरका सागर साह, हेमा साह रहेकी थिइन् ।

कार्यक्रममा विराटनगर महानगरपालिकाका उपप्रमुख शिल्पा निरला कार्कीको प्रमुख अतिथिमा कार्यक्रम भएको थियो । उक्त कार्यक्रममा बोल्दै उनले यस्ता चाडपर्वहरुले समाजमा भाइचारा कायम गर्दै अगाडी बढन मधत पुग्ने बताइन् । घरेलु तथा साना उद्योग महासंघ मोरङका चेतन निरौलालगायतको कार्यक्रममा उपस्थीति रहेको थियो ।

कार्यक्रमको संयोजक ममता प्रधान रहेकी थिइन् । कार्यक्रम संचालन उर्मिला तिम्सिनाले गरेकी थिइन् ।