विराटनगर । पाँचौं संस्करणको एसविएससि सिङ्गिङ स्टार छनोट चरण सम्पन्न भएको छ । मोरङको चार ठाउँमा भएको छनोट चरणको अडिसन शुक्रबार सम्पन्न भएको हो ।
संस्थागत विद्यालय बचत तथा ऋण सहकारी संस्था लिमिटेडको आयोजना भएको सिङ्गङ स्टारको छनोट चरणको अडिसन उर्लाबारी, रंगेली, विराटचोक र विराटनगरमा भएको थियो । ‘ आवाज तपाईको, गौरभ राष्ट्रको, देन निजी स्कुलहरु’ को भन्ने मुल नाराका साथ भएको चार ठाउमा भएको अडिसनबाट १ सय १६ जना छनौट भएको कार्यक्रम संयोजक हिरा थापाले जानकारी दिए ।
चार चरणको अडिसनमा १ सय ६४ जना विद्यार्थीहरुबाट १ सय १६ जना विद्यार्थीहरु अडिसन राउण्डमा छनोट भएका छन् । उर्लाबारिमा ४८ जना भाग लिएका विद्यार्थीहरु मध्ये २६ जना छनोट भए । रंगेली अडिसनमा ३६ जना सहभागि मध्ये २४ जना, विराटचोक २६ जना सहभागि मध्ये १७ जना र विराटनगरमा भएको अडिसनमा ५४ जना सहभागि विद्यार्थीहरुमा ४९ जना विद्यार्थीहरु छनोट भएको कार्यक्रम संयोजक थापाले बताए ।
प्रतियोगिताको समेफिाइनल असोज ३ गते विराटनगरमा हुने भएको छ । सेमिफाइनलबाट फाइनलमा १० जना छनोट गर्ने तयारी गरिएको छ । प्रतियोगिताको बिजेताले २५ हजार, द्धितीयले १५ हजार, तृतीयले १० हजार सान्तवनाले जनही ५ हजार रुपैयाँ प्राप्त गर्नेछन् ।
छनोट चरणको निर्णायकहरूमा सुमन श्रेष्ठ, दिपेन थापा, जेवी थुलुङ र दुर्गा पराजुली रहेका छन् ।
छनोट चरणको कार्यक्रमको प्रमुख अतिथि प्याब्सन मोरङका प्रेमलालसिंह सुवाल रहेका थिए । कार्यक्रम प्याब्सन विराटनगरका पुर्व अध्यक्ष इन्द्र राई, संस्थागत विद्यालय बचत तथा ऋण सहकारी संस्था लि. अध्यक्ष मोहन बुढाथोकीलगायतले बोलेका थिए ।