फिदिम, पुस ८–पाँचथर सदरमुकाममा केन्द्रीय सडक सञ्जालले जोडिएपछि सदरमुकामदेखि गाउँ–गाउँसम्म सडक सञ्जाल विस्तार गर्ने क्रम द्रुत गतिमा अगाडि बढेको छ । फिदिम–फालोट सडकको अवस्था दशकौँपछि अहिले फेरिएको छ । पानी पर्दा हिलाम्य र घाम लाग्दा धुलाम्मे हुने सडक अहिले कालोपत्र हुने चरणमा पुगेको छ । फिदिमदेखि प्राङबुङसम्म सडक निर्माण गर्न उपकरण र कामदार दिनरात खटिएका छन् । फिदिम नगरपालिका वडा नं १०, ११, १२ र १३ तथा फालेलुङ गाउँपालिकाका छ वडालाई सदरमुकामसम्म जोड्ने यो सडक निर्माणकार्य तीव्रगतिमा अघि बढेको छ ।
धेरै जनसंख्या लाभान्वित हुने यो सडक कालोपत्रका लागि संघय सरकार र प्रदेश सरकारले लगानी गरेका छन् । प्रदेश सरकारको लगानीमा फिदिम–फालोट सडक अन्तर्गत फिदिम–नाङ्गीन खण्ड कालोपत्रको काम अघि बढेको हो । १० किलोमिटरको सो खण्डको कालोपत्रको जिम्मा कन्काइ पिएस जेभीले ५२ करोड ६७ लाख ३० हजारमा लिएको छ । नांगिनको सल्लेरीदेखि प्राङबुङको लुदिनटारसम्म २९ किलोमिटर सडक कालोपत्र हुँदैछ । ‘ग्रामीण सडक सञ्जाल सुधार आयोजना’अन्तर्गत यो सडकखण्डको कालोपत्रका लागि निर्माणकार्य जारी रहेको छ ।
विगतमा एकतर्फी मात्रै सवारी चल्न सक्ने सानो सडकको अधिकांश खण्ड अहिले विस्तार भइरहेको छ । हिलाम्य भइरहने अधिकांश खण्डमा घण्टौँ यातायात अवरुद्ध पारेर ठूला चट्टान तथा भिर–पहरा फोरिँदैछ । सयौँ निर्माण उपकरण एकैपटक विभिन्न खण्डमा निर्माणकार्यमा परिचालन भएका छन् । भौगोलिक कठिनाइका कारण २०÷३० मिटर अग्ला तारजालीसहितको टेवा पर्खाल निर्माण भइरहेका छन् । अहिले सडक विस्तार गर्ने, नाली काट्ने, टेवा पर्खाल लगाउने कार्य धमाधम भइरहेको छ ।
सयौँ स्थानीय युवा यस सडकखण्डमा श्रम गरिरहेका भेटिन्छन् । ‘राम्रै कमाइ हुने भएकाले सडक निर्माणमा मजदुरको रूपमा काम गरिरहेको छु । घरमा काम नभएको बेला गाउँमै काम पाइयो,’ वडा नं ८ का सन्दीप केरुङले भने । फिदिम–फालोट सडक विशेषत कृषि उपजको निर्यात र भारतको सीमासम्म पुग्ने महत्वपूर्ण सडकका रुपमा रहेको छ । यो सडकले सदरमुकामसम्म जोड्ने फिदिम नगरपालिकाका चार वडा तथा फालेलुङ गाउँपालिकाका ६ वडालाई जोड्छ ।
कृषिजन्य उत्पादनका दृष्टिले प्रचुर सम्भावना बोकेका क्षेत्र हुन् । पक्की सडक र पर्याप्त सवारी साधन उपलब्ध नहुँदा यहाँ उत्पादित कृषि उपजले उचित मूल्य पाउन सकेको छैन । फिदिमदेखि प्राङबुङसम्मको सडक कालोपत्र भएपछि यहाँ उत्पादन हुने अलैँची, अदुवा, दुग्धजन्य उत्पादन, सागसब्जी तथा नगदेबाली, किबी, सुन्तलालगायत फलफूल बजारसम्म पु¥याउन सहज हुनेछ ।
पक्की सडक पुगेपछि यहाँका कृषक व्यावसायिक हुने अपेक्षा गरिएको छ । यस सडकले नेपाल–भारत सीमाक्षेत्रमा पर्ने पर्यटकीय क्षेत्र फालोटलाई समेत जोड्नेछ । यद्यपि फालेलुङ गाउँपालिका–५ प्राङबुङबाट फालोटसम्म सडक सञ्जालले जोड्ने कार्य भने पूरा भइसकेको छैन । कच्ची सडकका कारण यहाँका स्थानीयवासीले दशकौँदेखि सास्ती ब्यहोर्दै आएका थिए । यहाँ वर्षायाममा सवारी सञ्चालनमा कठिनाइ पर्ने गर्दछ । केही किलोमिटर सडक पार गर्न पनि घण्टौँ लाग्ने गर्दथ्यो । अहिले पनि सडक निर्माण तीव्रगतिमा चलिरहेका कारण सडक बेलाबखत अवरुद्ध हुने गरेको स्थानीयवासी दुःखेसो व्यक्त गर्दछन् । रासस
विराटनगर । पाहुना टोली भारत केरलाको लुका सकर क्लब सातौं संस्करणको विराट गोल्डकपको फाइनलमा प्रवेश गरेको छ । विराटनगरस्थित सहिद मैदानमा मंगबलार सम्पन्न भएको अन्तिम सेमिफाइनल खेलमा साविक विजेता विभागीय टोली एपीएफलाई टाईब्रेकरमा ४–२ गोलले...
विराटनगर । कोशी प्रदेश नामकरण खारेजीको माग गर्दै प्रदर्शनमा उत्रिएका पहिचान पक्षधरका आन्दोलनकारी र प्रहरीबीच विराटनगरमा आज दिउँसो झडप भएको छ । विराटनगरको होटेल बिगमा दिगो विकास लक्ष्य प्राप्तिका लागि स्रोत व्यवस्थापनसम्बन्धी अन्तरक्रियात्मक कार्यशालामा सहभागी...
विराटनगर । पाहुना टोली भारत केरलाको लुका सकर क्लब साताँै संस्करणको विराट गोल्डकपको सेमिफाइनलमा पुगेको छ । विराटनगरस्थित सहिद मैदानमा आइतबार राती भएको अन्तिम क्वाटरफाइनल खेलमा ‘ए’ डिभिजन क्लब संकटालाई सडनडेथमा हराउँदै भारत सेमिफाइनल यात्रा...
विराटनगर । विराटनगरस्थित न्यूरो हस्पिटलले विश्व छारेरोग दिवसको अवसर पारेर सचेतनामुलक र्याली निकालेको छ । आइतबार विहान विराटनगरमा सचेतनामुलक र्याली निकालेको हो । न्यूरो हस्पिटलदेखि सुरू भएको र्यालीले विराटनगर महानगरपालिका भित्र नगर परिक्रमा गरेको थियो...
पत्रकारिताको नयाँ आयामको रुपमा न्युजबिराट डट कम उपस्थित भएको छ । जनताको सूचनाको हक स्थापित गर्ने र आवाजविहिनहरुको आवाज बलियो बनाउने उद्देश्यसहित हामी आएका हौं । सत्य र न्यायप्रतिको पक्षधरतासहितको स्वतन्त्र प्रत्रकारिता हाम्रो मिसन हो ।