विराटनगर । रोटरी क्लब अफ विराटनगर डाउनटाउन र रोट्रयाक्ट क्लब अफ विराटनगर डाउनटाउनद्वारा संयुक्तरुपमा आयोजित जोनल फुटसल प्रतियोगिताको उपाधी रोट्रयाक्ट क्लब अफ नोबेल मेडिकल कलेजले जितेको छ । 

युवा दिवसको अवसर शनिबार विराटनगर शनिहाटस्थित स्पोर्टस् हबमा अहायोजित प्रतियोगितामा रोट्रयाक्ट क्लब अफ नोबेल मेडिकल कलेज विजयी भएको हो ।

युवाहरुको शारीरिक र मानसिक विकासका लागि खेलकुद निकै आवश्यक भएकाले अन्तराष्ट्रिय युवा दिवसको अवसर पारेर प्रतियोगिता आयोजना गरिएको रोटरी क्लब अफ विराटनगर डाउनटाउनकी अध्यक्ष कुसुम अग्रवालले बताइन् । 

प्रमुख अतिथी रोटरीयन लिडर बेनीगोपाल मुण्दडाले द्वीप प्रज्वलन गरि सो फुटसल प्रतियोगितको उद्घाटन गरे । प्रतियोगितामा रोट्रयाक्ट क्लब अफ विराटनगर डाउनटाउनसहित विराटनगरका अन्य तीन वटा रोट्रयाक्ट क्लब र इटहरी र धरानका रोट्रयाक्ट क्लबहरुको सहभागीता रहेको थियो । 

फाइनल राउण्डमा रोट्रयाक्ट क्लब अफ धरान उक्त प्रतियोगिताको उपविजेतामा सिमित रह्यो । प्रतियोगिताबा विजेता र सहभागी खेलाडीहरुलाई रोटरी क्लब अफ विराटनगर डाउनटाउनकी अध्यक्ष कुसुम अग्रवालले ट्रफी र प्रमाणपत्र वितरण गरिन् । 

प्रतियोगितामा मेडिकल पार्टनरका रुपमा न्युरो अस्पताल रहेको थियो भने डेल्टा टायरले टिसर्ट स्पोन्सर गरेको थियो । खेलाडीहरुलाई युनिक फास्टफुडले खाजाको व्यवस्था मिलाएको थियो । 

प्रतियोगितामा रोटरी क्लब अफ विराटनगर डाउनटाउनकी सेक्रेटरी संगीता सिंघानीया, क्लबका पदाधिकारीहरु, रोट्रयाक्ट क्लब अफ विराटनगर डाउनटाउनका पदाधिकारी, सदस्यहरु, रोटरीयन र उनीहरुका परिवारका सदस्यहरुको उपस्थिती रहेको पब्लिक इमेज चेयर पुनम राठीले जानकारी दिइन् ।