विराटनगर । पहिचानको मुद्दामा आदीवासी जनजातिहरू एकजुट भएर लागि परिएमात्र अधिकार स्थापित हुने एक कार्यक्रममा सहभागिहरुले बताएका छन् ।
नेपाल आदिवासी जनजाति महासंघ समन्वय परिषद विराटनगरले ३९ औँ विश्व आदिवासी जनजाति दिवसको अवसरमा बुधबार आयोजना गरिएको कार्यक्रममा सहभागिहरुले यस्तो बताएका हुन् ।

चुनावका वेला जातिय संघसंगठन पछि हट्ने र पहिचानविरोधी पार्टीलाई मत हाल्नाले पनि नेतृत्व गर्ने स्थानमा आदिवासी जनजातिको पहुँच नपुगेको उनीहरुले बताए । नेतृत्वमा आफ्नो पहुँच पु¥याउन आदिवासी जनजाति एक हुनुपर्नेमा उनीहरुले बताए ।

नेपाल आदिवासी जनजाति महासंघका प्रदेश अध्यक्ष धुव्र सुब्बाले राज्यबाट बहिष्करणमा परेकै कारण जनजातिहरुले अधिकार देऊ भन्दै माग गरिनुपर्ने अवस्था आएको उनले बताए । ‘हामी निषेधको राजनीति गर्दैनौं,’ उनले भने, ‘आफ्नो अधिकार स्थापित गर्न सबै एकजुट भएर लाग्नुपर्दछ ।’