विराटनगर । विराटनगर भन्सार एजेन्ट संघको अध्यक्षमा देवकीनन्दन शर्मा पुनः निर्वाचित भएका छन् ।

विराटनगरमा सम्पन्न विराटनगर भन्सार एजेन्ट संघको ११औं वार्षिक साधारण सभा तथा ५ औं अधिवेशनबाट शर्माले ३८ मत ल्याएर अध्यक्षमा निर्वाचित भएका हुन् । उनी दोस्रो कार्यकालको लागि अध्यक्षमा निर्वाचित भए । उनका प्रतिस्पर्धी हरि ठाकुरले ८ मत मात्र पाए ।

भन्सार एजेन्ट संघको ६३ जना सदस्य मध्ये निर्वाचनमा ४८ जनाले मतदान गरेका थिए । जसमध्ये दुई जनाको मत बदर भएको थियो ।

अध्यक्ष बाहेक अन्य पद सर्वसम्मत चयन भएको छ । संघको बरिष्ठ उपाध्यक्षमा विवेक यादव, उपाध्यक्ष दिक्षा पौडेल, सचिव अनिश खनाल, सह–सचिवमा मम्ताज राइन, कोषाध्यक्षमा सुनिल लाभ निर्वाचित भएका छन् । तारा पुलामि, दिपक चौधरी र केशव गिरी संघको कार्यसमिति सदस्यमा निर्वाचित भएका छन् ।