विराटनगर । नेपाल फर्मास्युटिकल्स एशोसिएशन (एनपीए) कोशी प्रदेशमा शम्भू साहको प्यानलै निर्वाचित भएका छन् । साहले एनपीए कोशी प्रदेशको अध्यक्षमा ३५२ मत ल्याएर निर्वाचित भएका हुन् । उनको निकटतम् प्रतिद्वन्दी विवेक दाहालले १८३ मात्र मत ल्याएका छन् ।

उपाध्यक्षमा विश्वनारयण चौधरीले ३४५ मत ल्याए निर्वाचित भए । उनका प्रतिस्पर्धी प्रदिप थापाले १८२ मत पाए । सचिबमा दिपेन्द्र खड्काले ३५७ मत ल्याएर निर्वाचित हुँदा उनका निकटतम प्रतिद्धन्दी कृष्ण प्रसाद बजगाइले १७८ मत ल्याए । कोषाध्यक्षमा संजिप खड्काले ३५२ मत पाएर निर्वाचित भए । उनका प्रतिस्पर्धी याम प्रसाद चौलागाइले १७० मात्र मत पाए ।
यसैगरी खुल्ला सदस्यहरुमा विजय कार्कीले २६७, रष्मी अधिकारीले २३५ र महिला सदस्यमा संगीना कुमारी चौधरीले २७८ मत ल्याएर निर्वाचित भएकी छिन् । साहको समूहबाट सबैभन्दा बढी मत ल्याएर निर्वाचित हुने सचिव खड्का रहेका छन् । उनले सबैभन्दा बढी ३५७ मत ल्याएर निर्वाचित भए ।

कसले कति ल्याए मत ?

अध्यक्ष – शम्भू साह ३५२ (विजय)
विवेक दाहाल १८३

उपाध्यक्ष – विश्वनारयण चौधरी ३४५ (विजय)
प्रदिप थापा १८२

सचिब – दिपेन्द्र खड्का ३५७ (विजय)
कृष्ण प्रसाद बजगाइ १७८

कोषाध्यक्ष – संजिप खड्का ३५२ (विजय)
याम प्रसाद चौलागाइ १७०

सदस्यहरु
खुल्ला सदस्य विजय कार्की २६७
खुल्ला सदस्य रश्मि अधिकारी २३५
महिला सदस्य संगीना कुमारी चौधरी २७८