विराटनगर । विराटनगर – २ मा अवस्थित बूढानिलकण्ठ अ. मा. वि. मा विभिन्न कार्यक्रम आयोजना गरी २५८५ औँ बुद्ध जयन्ती मनाएको छ । स्कुल परिसरमा बुधबार एक भब्य कार्यक्रम आयोजना गरी बुद्ध जयत्ती मनाएको हो ।

उक्त कार्यक्रमको शुरुमा कक्षा नर्सरी देखी कक्षा दुईसम्मका स–साना बच्चाहरु भिक्षु बनेर मञ्चको रौनक बढाएका थिए । कार्यक्रममा कक्षा ५ का अनुभव पौडेल र कक्षा ९ की साम्राज्ञी बस्नेतले सान्तिसँग सम्बन्धित कविता वाचन गरेका थिए ।
कार्यक्रममा विद्यार्थीहरुले गौतम बुद्घले दिएका सुखी जीवनसँग सम्बन्धित सन्देशहरु जस्तै सधै सत्य बोल्ने, जीवजन्तुको हत्या नगर्ने, मिलेर बस्ने आदि कुराको सन्देश दिएका थिए । कार्यक्रममा कक्षा २ र ३ का छात्राहरुको ‘ फेरी अर्काे बुद्ध पठाइदेउ ’ बोलको गीतमा रहेको नृत्य र कक्षा ७, ८ र ९ का छात्राहरुको ‘ बुद्ध जन्मेको नेपालमा ’ बोलको गीतमा रहेको सामूहिक नृत्य पनि त्यतिकै आकर्षक रहेको थियो । त्यसै गरि कक्षा ९ र १० का विद्याथीहरुले बुद्धसँग सम्बन्धित ‘ फुलको आँखामा फुलै संसार’ र ‘ जहाँ छन् बुद्धका आँखा ’ बोलको गीत गायन प्रश्तुत गरेका थिए ।

उक्त कार्यक्रममा विषेश भुमिका निर्वाह गर्ने शिक्षकद्धय विनोद चौधरी र दिपेन्द्र थापा तथा शिक्षिका मन्जु श्रेष्ठ लगायत प्रत्यक्ष तथा अप्रत्यक्ष रुपमा सम्लग्न रहेका संपूर्ण शिक्षक शिक्षिका र विद्यार्थीहरुलाई स्कुलका प्रिन्सिपल मणी राज भट्टराईले धन्यवाद दिएका थिए ।
विगत ४० वर्ष देखि शान्त वातावरणमा गुणस्तरीय शिक्षा प्रदान गरी विद्यार्थी र अभिभावको पहिलो रोजाइको स्कुलमा पर्नेमा बूढानिलकण्ठ अतिरिक्त क्रियाकालपहरुमा पनि अगाडी रहेको छ ।