विराटनगर, फागुन २२–इलाममा लागुऔषध ब्राउन सुगरसहित दुईजना पक्राउ परेका छन । जिल्ला प्रहरी कार्यालय इलामले इलाम नगरपालिका ४ बस्ने बर्ष २५ का रोशन राई र देउमाई नगरपालिका ९ बस्ने बर्ष २० का बिशाल सिवालाई पक्राउ गरेको हो ।

उनीहरुको साथबाट प्रहरीले ४ दशमलव ५ ग्राम ब्राउन सुगर समेत फेला पारेको छ । पक्राउ गरेका दुबैजनाको विषयमा थप अनुसन्धान भइरहेको जिल्ला प्रहरी कार्यालय इलामका सूचना अधिकारी तथा प्रहरी नायब उपरिक्षक हेमन्त भण्डारी क्षेत्रीले जानकारी दिए । पछिल्लो समय युवायुवती दुब्र्यसनीमा फस्दै गएको भन्दै जिल्ला प्रहरी कार्यालयले बिद्यालय स्तरमा समेत सचेतना कक्षा दिँदै आएको छ ।