विराटनगर । विराटनगर ३ बुद्धोदय साकोसमा निःशुल्क आँखा तथा कान जाँच शिविर आयोजना गरिएको छ ।
बुद्धोदय साकोस र सरल साकोसको संयुक्त आयोजनामा ६६ औं राष्ट्रिय सहकारी दिवसको अवसर पारेर शनिबार निःशुल्क आँखा तथा कान जाँच शिविर आयोजना गरिएको हो ।
विराटनगर आँखा अस्पतालको प्राविधिक सहयोगमा भएको शविरमा ५ सय जनाले स्वास्थ्य जाँच गरेको बुद्धोदय बचत तथा सहकारी संस्था लिको लेखा संयोजक अभिनास कुमार निधीले जानकारी दिए । आँखा परीक्षण गरिएको मध्ये ७३ जनामा मोतिया बिन्दु भेटियोको छ । उनीहरुको विराटनगर आँखा अस्पतालले निःशुल्य शल्यक्रिया गरिनेछ । डा. मनिष खवासहित आठ जनाको स्वास्थ्यकर्मीहरुको टोली रहेको थियो ।