विराटनगर । अन्तर–विद्यालय स्तरीय हाजिरी जवाफ प्रतियोगिताको उपाधि विराटनगरस्थित  मदननगर आधरभूत विद्यालयले जितेको छ । आधारभूत तह ६ देखि ८ कक्षामा अध्ययनरत बिद्यार्थीहरूबीच भएको अन्तर विद्यालय स्तरियहाजिरीजवाफ प्रतियोगितामा  मदननगर प्रथम भएको हो ।

प्रथम भएको मदनगरले नगद १५ हजार रुपैयाँ पाएको छ । द्वितीय विराटनगरकै पोखरीया स्कुल, तृतीय आर्दश मावि र सान्तवना गोग्राहा मावि भएको छ । द्वितीय र तृतीय हुने विद्यालय ले क्रमशः १२ र ९ हजार पाएको छ ।

शैक्षिक गुणस्तर सुधार गरी विद्यालयको प्रतिभा उजार गर्ने उद्देश्यले प्रतियोगिता आयोजना गरिएको आयोजक पोखरिया स्कुलका प्रधानाध्यापक खेमराज भट्टराईले जानकारी दिए ।

विद्यालय व्यवस्थापन समितिको अध्यक्ष कृष्णप्रसाद गौतमको सभापतित्वमा भएको शिक्षा विकास तथा समन्वय मोरङका प्रमुख टंकप्रसाद गौतम प्रमुख आथित्यतामा कार्यक्रम भएको थियो ।

कार्यक्रममा बोल्दै गौतमले विद्यालयको शैक्षिक गुणस्तर सुधारका लागि विभिन्न अतिरिक्त कार्यक्रम सञ्चालन गरी विद्यार्थी शिक्षकहरूको हौसला बढाउनुपर्ने बताए । विषयवस्तु र पाठ्यक्रम केन्द्रित यस्ता कार्यक्रमले विद्यालयको आन्तरिक सक्षमता पहिचानमा टेवा पुग्ने भएकोले यस्ता कार्यक्रमहरू अन्य विद्यालयहरूले पनि आयोजना गर्नुपर्ने बताए ।

विराटनगर ३ का वडाध्यक्ष वासु बहादुर बस्नेत, ४ का वडाध्यक्ष जितन थापाको सहभागिता रहेको थियो । प्रतियोगितामा विराटनगर महानगरपालिका भित्रका २८ वटा सामुदायिक विद्यालयहरूले सहभागिता रहेको सचिवालय सदस्य सागर नेपालले जानकारी दिए ।