विराटनगर । निर्माण व्यवसायी महासंघ प्रदेश १ अध्यक्षमा जनसेवक भण्डारी २६७ मत ल्याएर निर्वाचित भएका छन् । प्रतिस्पर्धी कमल प्रसाद गौतमलाई ६२ मतले हराउँदै भण्डारी अध्यक्षमा निर्वाचित भएका हुन् ।

भण्डारीका प्रतिस्पर्धी गौतमलले १ सय ६३ मत मात्र ल्याएका छन् । निर्माण व्यवसायी महासंघ प्रदेशको बुधबार सम्पन्न भएको निर्वाचनमा भण्डारी र गौतमको समूह चुनावी मैदानमा उत्रिएको थियो । भण्डारीको समूहले महासंघमा बर्चस्व कायम गरेको छ । प्रथम उपाध्यक्षमा पनि भण्डारी समूहबाट केशव कुमार बुढाथोकी निर्वाचित भएका छन् । बुढाथोकीले ३०३ मत ल्याएर निर्वाचित हुँदा उनका प्रतिस्पर्धी दिपक पौडेलले १६३ मत पाए ।

महासचिबमा रमेश कार्कीले २६६ मत ल्याएर निर्वाचित भए । उनका प्रतिस्धर्पी मौसम थापाले १९६ मत ल्याए । कोषाध्यक्षमा सन्तोष कुमार बस्नेत निर्वाचित भए । उनले ३३३ मत ल्याएर निर्वाचत हुँदा उनका प्रतिस्पर्धी निर्मल कुमार श्रेष्ठले १२७ मत पाए । सहकोषाध्यक्षमा योगराज दाहाल (चन्दन) ले २५७ मत ल्याएर निर्वाचित भए । उनका प्रतिस्धर्पी खगेन्द्र राईले २११ मात्र मत पाए ।