विराटनगर । इलाका प्रहरी कार्यालय रानी विराटनगरले झण्डै तीन लाखको अवैध सामान बरामद गरेको छ । भारतबाट तस्करी भएर आएको २ लाख ६७ हजार १ सय मुल्य बरावरको अवैध सामान मंगलबार बरामद गरेको हो ।
प्रहरीले बिराटनगर १५ हुलास चौक छेउ बाट अवैध रुपमा भारत बाट नेपाल तर्फ लुकाई छिपाई झोलामा प्याक गरी ल्याएको १ लाख ८० हजार मुल्य बरावरको अवैध सामान बरामद गरेको मोरङ प्रहरीले जनाएको छ ।
यस्तै सोही दिन बिराटनगर १५ रामजानकी मन्दिर छेउ बाट अवैध रुपमा भारत बाट नेपाल तर्फ लुकाई छिपाई बोरामा प्याक गरी ल्याएको ८७ हजार १०० बराबरको लत्ता कपडा बरामद गरेको गरेको छ । बरामद गरेको सामान आवश्यक कारवाहीको लागि विराटनगर भन्सर कार्यालयमा बुझाएको छ ।