काँकरभिट्टा नाका लागु औषधको ‘ट्रान्जिट प्वाइन्ट’ बन्दै

 न्यूज विराट
काँकरभिट्टा नाका लागु औषधको ‘ट्रान्जिट प्वाइन्ट’ बन्दै

विराटनगर, चैत ९–पछिल्लो समय पूर्वीनाका काँकरभिट्टा लागूऔषधको ट्रान्जिट प्वाइन्ट बन्दै गएको छ । पूर्वमा लागूऔषध प्रयोग र कारोबार गर्नेको संख्या दैनिक बढ्दै गएपछि काँकडभिट्टानाका यतिखेर उनीहरुका लागि सुरक्षित यात्रास्थल जस्तै बनेको हो । केहीवर्ष अघिसम्म पूर्वी नाका काँकडभिट्टा भएर गाँजा र विभिन्न प्रकारका इन्जेक्सन मात्र प्रहरीले पक्राउ गर्ने गरेको थियो तर पछिल्लो समय ब्राउन सुगर, हिरोइन, ‘आइस ड्रग्स’ जस्ता लागूऔषधसमेत यहीँ नाकाबाट भित्र्न थालेको पाइएको छ । प्रहरीले लागू पदार्थसँगै व्यक्ति पनि पक्राउ गरेको छ । पक्राउ पर्ने अधिकांश कारोबारी कम र सेवनकर्ता ज्यादा छन् ।

विगतमा लागूपदार्थ बोक्ने भरिया मात्रै पक्राउ हुन्थे । अहिले भने भरियासँगै कारोबारी नै पक्राउ पर्न थालेका छन् । पछिल्लो समय अनेक उपाय गरेर लागूपदार्थ ओसार्ने समूहहरू पक्राउ पर्दै आएका छन् । काँकडभिट्टास्थित मेचीपुललगायत अन्य ग्रामीण क्षेत्रका विभिन्न नाकामा लागूऔषध नियन्त्रण व्युरोले प्रहरी तैनाथ पारे पनि कारोवारीहरुले विभिन्न तौरतरिका र माध्यमबाट लागूऔषध ल्याउने गरेका छन् । अधिकांश दुव्र्यसनी सेवनका लागि सीमापारि बजार पानीट्यांकी जाने र बेच्ने उद्देश्यले बोकेर आउने गरेको पाइएको इलाका प्रहरी कार्यालय काँकरभिट्टाका प्रहरी नायव उपरिक्षक राजेन्द्र पोखरेलले जानकारी दिए ।

लागूऔषध नियन्त्रण ब्युरो काँकडभिट्टाका अनुसार ८ महिनाको अवधिमा विभिन्न २९ घटनामा ४५ जनाविरुद्ध लागूऔषध नियन्त्रण ऐन २०३३ अनुसार मुद्दा दर्ता गरिएको छ । प्रहरीका अनुसार काठमाडौं लागूऔषध प्रयोगकर्ता वढी भएको देशकै पहिलो जिल्ला हो । त्यसपछि झापा पर्छ । १ हजार १ सय ३५ जना कैदीबन्दी रहेको जिल्ला कारागार भद्रपुरमा लागूपदार्थ मुद्दाका मात्रै २ सय ५३ जना छन् । तिनमा २० जना महिला छन् । चालु आर्थिक वर्ष २०७४÷२०७५ को माघ तेस्रो सातासम्म इलाका प्रहरी कार्यालय काँकडभिट्टामा दर्ता भएका विभिन्न प्रकृतिका १२० वटा आपराधिक मुद्दामध्ये लागूऔषधका मात्र ३८ वटा दर्ता भएका छन् । पछिल्लो महिना दर्ता भएका २५ मुद्दामध्ये १९ वटा लागूऔषधको मात्रै रहेको छ । लागूऔषधको कारोबारमा संलग्नहरुका अनुसार यस नाकाबाट भित्र्याइएका लागूऔषध पूर्वी पहाडी जिल्लादेखि पूर्वकै विर्तामोड, दमक, इटहरी, धरानलगायतका शहरी तथा ग्रामीण क्षेत्रहरुसम्म पुग्ने गरेको छ ।

ब्राउन सुगर, फेनारगन, लुपिजेसिक, डाईजिपाम, नाइट्रोजन, कोरेक्स, फेन्सीडललगायतका औषधीजन्य लागूऔषध नेपाली बजारमा बेचबिखन गर्न प्रतिबन्ध भए पनि सीमावर्ती भारतीय बजारमा सहजरुपमै पाइन्छन् । यसै कारण नेपाली लागूऔषध प्रयोगकर्ता तथा त्यसमा संलग्न कारोबारीहरु भारतीय बजार धाउने अनि ठूलो संख्यामा लागूऔषध नेपाल भित्र्याउने गरेको प्रहरीको दाबी छ । पक्राउ परेकामा अधिकांश १६ देखि २५ वर्ष उमेर समूहका छन् । युवा पुस्ता विभिन्न कारणबाट लागूऔषध प्रयोगकर्ता भएका कारण यो रोक्न सबैको सक्रियता आवश्यक रहेको प्रहरी नायव उपरिक्षक पोखरेलले बताए ।

पूर्वी नाकाबाट भित्रिएको लागूपदार्थ पूर्वका विभिन्न सहर अनि काठमाडौं र पोखरासम्म पुत्र्याउने गरिएको प्रहरीको भनाइ छ । लागूऔषध नियन्त्रण ऐन २०३३ अनुसार कोही व्यक्तिको साथबाट १ ग्रामभन्दा माथि ५ ग्रामसम्म ब्राउन सुगर भेटिए ५ वर्षसम्म कैद हुन सक्ने व्यवस्था छ । ५ ग्रामभन्दा माथि १० वर्षमुनि कैदको व्यवस्था छ । त्यस्तै, १० देखि २० ग्रामसम्म १० वर्ष, ५० ग्रामभन्दा माथि भेटिए आजीवन कैद हुने कानुनी व्यवस्था छ ।

सम्बन्धित समाचार

प्रचण्डविरुद्ध अवहेलना मुद्दा दर्ता, भोलिको लागि पेसी तोकियो

काठमाडौं, माघ १९। नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डविरुद्ध अदालतको अवहेलना मुद्दा दर्ता भएको छ । अधिवक्ता समिर बलामीले न्यायाधीशहरुले जनभावना अनुसार फैसला नगरे जनताको अदालतबाट फैसला गर्ने अभिव्यक्ति दिएको भन्दै अवहेलनाको मुद्दा...

राष्ट्रिय फुटबल टिमका खेलाडीको कोरोना परीक्षण

काठमाडौं, २६ साउन-विश्वकप छनोट र एसियन कप छनोटका लागि प्रशिक्षणमा सहभागी हुने राष्ट्रिय फुटबल टिमका खेलाडीहरूको कोरोना परीक्षण गरिएको छ । सोमबार बन्द प्रशिक्षणमा सहभागी हुने ३४ खेलाडीमध्ये ११ जनाको कोरोना परीक्षण गरिएको हो ।...

६९ जिल्लामा कोरोनाको र्‍यापिड टेस्ट

काठमाडौं, ४ वैशाख-सरकारले ६९ जिल्लामा कोरोना भाइरसको र्‍यापिड डाइग्नोस्टिक टेस्ट सुरु भएको स्वास्थ्य मन्त्रालयले जनाएको छ । नोबेल कोरोना भाइरसबारे जानकारी दिन स्वास्थ्य तथा जनसंख्या मन्त्रालयले आयोजना गरेको पत्रकार सम्मलेनमा प्रवक्ता डा विकास देवकोटाले ६९...

कोरोनाबाट काठमाडौंका ३ महिलासहित एकै दिन १४ जनाको मृत्यु

काठमाडौं, १९ भदौ-पछिल्लो २४ घण्टाको अवधिमा १४ जनाको कोरोना भाइरस संक्रमणबाट मृत्यु भएको छ । कोरोना संक्रमणबाट मृत्यु भएको अहिलेसम्मकै उच्च हो । स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टाको अवधिमा...

कोरोनाविरुद्ध अग्रमोर्चामा खटिनेलाई ५० लाख राहत, किसानको ४ महिनाको व्याज प्रदेशले तिर्ने

कोरोना भाइरसको महामारीको रोकथाम, नियन्त्रण तथा उपचारमा खटिनेहरूलाई कोरोनाको संक्रमणबाट मृत्यु भए पीडित परिवारलाई प्रदेश सरकारले एक मुष्ट ५० लाख रुपैयाँ राहत दिने निर्णय गरेको छ । अस्पतालमा पीपीईसम्म उपलब्ध गराउन नसक्ने प्रदेश सरकारले आज...

आजदेखि सोह्र श्राद्ध सुरु, यस्ताे छ धार्मिक महत्व

काठमाडौं, ५ असोज । प्रत्येक वर्ष आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्ष आजदेखि अपराह्नकालमा दिवङ्गत पितृका नाममा तर्पण, सिदादान र पिण्डदान गरी सुरु गरिँदैछ । आश्विन कृष्ण प्रतिपदादेखि आश्विन शुक्ल प्रतिपदासम्मका...

भारतमा ओमिक्रोन भेरियन्ट भेटिएसँगै उच्च सतर्कता अपनाउन डब्लूएचओको आग्रह

विश्व स्वास्थ्य सङ्गठन (डब्लूएचओ) की दक्षिणपूर्वी एसियाका क्षेत्रीय निर्देशक डा. पुनम खेत्रपाल सिंहले भारतमा कोरोना भाइरसको ओमिक्रोन भेरियन्ट भेटिएसँगै उच्च सतर्कता अपनाउन आग्रह गरेकी छन् । उनले विज्ञप्ति जारी गर्दै भनेकी छन्, 'यसले सबै देशलाई निगरानी बढाउन,...

उपत्यका प्रवेश गर्ने नाकामा सेना परिचालन गर्ने तयारी

काठमाडौं, जेठ २-काठमाडौं उपत्यका भित्रिने सबै नाका कडाई गर्न नेपाली सेना परिचालन गर्न गृहकार्य थालिएको छ । कोरोना संक्रमित थपिएसँगै उपत्यकाका भित्रिने सबै नाकामा सेना परिचालन गर्ने गृहकार्य थालिएको हो । बिहीबार काठमाडौं, भक्तपुर र...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्