विराटनगर । मोरङको सुनवर्षी नगरपालिकामा जारी तेस्रो मेयर कप नकआउट क्रिकेट प्रतियोगिता सुनवर्षी नगरपालिका वडा नम्बर ८ बिजय भएकाे छ ।

सुनवर्षी २ र सुनवर्षी  ८ बिच शुक्रबार भएको पहिलो सेमीफाइनल खेलमा वडा नम्बर ८  विजयी भएको हाे ।
टस जितेर ब्याटिङ गरेको सुनवर्षी–२ ले निर्धारित २० ओभरकाे खेलमा सवै विकेट गुमाएर ९८ रनकाे याेगफल तयार पारेकाे थियाे ।

९९ रनको विजयी लक्ष्य पछ्याएकाे सुनवर्षी ८ ले  १७.१ ओभरमा  ५ विकेट गुमाइ सो विजयी लक्ष पार गरेको थियो ।

सुनवर्षी ८का   उम्मर सानीले १६ रनकाे याेगदान दिए । उनी म्यान अफ दी म्याच घोषित भए। म्यान अफ दी म्याच घोषित भएका सानिलाइ नगरपालिकाका लेखा अधिकृत देवेन्द्र थापा, शिक्षा शाखा प्रमुख हरि कट्टेलले टिमले ५ हजार प्रदान गरे ।
प्रतियोगितामा विजेता टिमले नगद १ लाख २५ हजार, ट्रफी, प्रमाणपत्र र मेडल प्राप्त गर्नेछन् भने उपविजेता टिमलाई नगद ६५ हजार ट्रफी, प्रमाणपत्र र मेडल प्रदान गरिने प्रतियोगिताका खेल व्यवस्थापक राम कुमार राजवंशीले जानकारी दिए । प्रतियाेगिताकाे फाइनल माघ १६ गते हुनेछ ।