विराटनगर । विराटनगर ५ स्थित किड्स भिलेज स्कुलले सरस्वती पूजामा अक्षरारम्भ कार्यक्रम गरेको छ । उक्त कार्यक्रममा बालबालीकाहरुलाई अक्षरारम्भ गराउनुका साथै शैक्षिक सत्र २०७९/ ०८० का लागि कक्षा प्ले ग्राउड र नर्सरीमा नयाँ विद्यार्थीहरूको भर्ना गरिएको छ।

उक्त कार्यक्रममा ३२ जना नयाँ विद्यार्थीहरू भर्ना गरिएको स्कुलका प्रिन्सिपल विजय दाहालले जानकारी दिए । बसन्त पञ्चमीको दिनदेखि शिक्षा आरम्भ गराउने प्राचीन परम्परालाई हालसम्म पनि अभिभावकहरुले आत्मसात पालना गर्दै आएको र आजका दिन बालबालिकाहरुको लागि शिक्षा सुरुवातको लागि शुभ साईत रहेको उनले बताए ।