विराटनगर । दुलही झैँ सिगारिएकी साना बालिकाहरूको लस्कार छ । बेलविवाहको मण्डपमा सरिक भएकी बालिकाहरूको शिरमा शिरवन्दी, गलामा तायो र पायो, हातमा मू र खुट्टामा कली छ ।
विराटनगस्थित झि : पुचमा बिहीबारदेखि सुरू भएको सामूहिक बेलविवाहका लागि बेहुली झैँ चिटिक्क सिँगारिकी ४० जना बालिकाहरू निकै खुशी छिन् ।
बेललाई शिवपुत्र कुमारको स्वरुप मानेर कन्यासंग विवाह गरिन्छ । कन्यालाई एक हातमा सः लगनपात्र र अर्को हातमा बेल समाउन लगाएर आमाबाबुले सुवर्ण कुमारलाई कन्या दान गर्छन् । बेलविवाह गरेकी चेली कहिल्यै विधवा नहुने शास्त्रीय मान्यता छ । पछिल्लो समय सामुहिक रुपमा बेल विवाह हुन थालेका छन् ।

परम्परा जोगाउन र सामाजिक तडक–भडक घटाई खर्च कम गर्न विराटनगरमा रहेको झिः पुच विराटनगरले सामूहिक बेलविवाहको आयोजना गरेको झि : पुच विराटनगरको वरिष्ठ उपाध्यक्ष भबिस श्रेष्ठले बताए ।

बेलविवाहमा आयोजकले सहभागी कन्याका लागि चाहिने आवश्यक पुजा सामाग्री र भोजको व्यवस्था गरेका छन् । झि ः पुचमा गरिएको बेलविवाहमा ४० जना ९ वर्षमुनीका बालवालिकाहरूको सहभागि रहेको झी पुचः विराटनगरका अध्यक्ष हरीबहादुर श्रेष्ठले जानकारी दिए । सामुहिक बेलविवाहको समापन शुक्रबार हुनेछ ।