विराटनगर । विराटनगरमा तेस्रो नेवा : महोत्सव तथा पर्यटन हाट सुरू भएको छ । झी पुचः (नेपाल भाषा तथा संस्कृति संघ) को आयोजनामा विराटनगरस्थित झी पुचः परिसर भित्र तेस्रो नेवाः महोत्सव शुक्रबारबाट सुरू भएको हो ।

उक्त महोत्सवको उद्घाटन प्रदेश १ का समाजिक विकास मन्त्री बुद्धीकुमार राज भण्डारीले गरे । शनिबारसम्म संचालन हुने महोत्सव नेवारी खानाका परिवारको साथै अन्य विभिन्न सामुदायहरूको परिवार पनि रहेको छ । महोत्सवमा २० वटा खानाको परिकारसहित साँस्कृतिक कार्यक्रमहरू प्रस्तुती भयो । नेवार सामुदायका किशोर किशोरीहरूले ‘धिमी’ बाजा बजाएर महोत्सवमा थप रौनक भयो ।

खानाको परिकार बाहेक महोत्सवमा पर्यटक हाट पनि लागेको छ ।

दुई दिनसम्म संचालन हुने महोत्सवमा ५ हजार जनाले अवलोकन गर्ने अपेक्षा राखिएको कार्यक्रम संयोजक तथा झी पुच : को वरिष्ठ उपाध्यक्ष भविषकुमार श्रेष्ठले जानकारी दिए ।

कार्यक्रममा प्रदेश १ का सांसद भीम पराजुली, विराटनगर महानगरपालिका प्रमुख नागेश कोइराला, उपप्रमुख शिल्पा निरला कार्की, मोरङका प्रमुख जिल्ला अधिकारी काशिराज दाहाललगायतको उपस्थीति रहेको थियो । उनीहरूले सांस्कृतिक संरक्षण र प्रवद्र्धनमा यस्ता महोत्सवमा ठुलो भुमिका खेल्ने बताए ।
यसअघि पहिलो पटक भव्य रुपमा नेवा: महोत्सव २०६८ सालमा र दोस्रो २०७२ सालमा भएको थियो । कोभिड १९ ले रोकिएको यो महोत्सव लागेको तेस्रो हो । यस पटक सुरू भएको नेवा: महोत्सव भव्य रूपमा सुरू भएको झी : पुच का अध्यक्ष हरिबहादुर श्रेष्ठले बताए ।

सोही अवसरमा मन्त्री राजभण्डारीले झी पुचः को नेवारी कलात्मक मुख स्वागतद्धारको पनि उद्घाटन गरेका थिए । झी पुच ः मा रहेको संग्रालयको पनि प्रमुख अतिथि, अतिथिहरुले अवलोकन गरेका थिए । संग्रालयमा नेवारी सामुदायहरूको सांस्कृतिक पहिरन र भाडा बर्तनहरू रहेको छ ।
४२ वर्ष अगाडी नेपाल सम्वत् ११०१ वि.स. २०३८ सालमा मुनाफा रहित एंव तटस्थ संस्थाको रुपमा झी ः पुच विराटनगरमा स्थापना भएको हो । झी पुचः ले प्रत्येक वर्ष नेपाल सम्वत्को नयाँ वर्ष (न्हुँ दः), वेल विवाह, ब्रतबन्ध, गाई जात्रा जस्ता सांस्कृतिक कार्यक्रमहरु सामुहिक रुपमा आयोजना गर्दै आएको छ । नेपाल भाषा, साहित्य, कलाको पनि जर्गेना पनि गर्दै आएको झी: पुचका महासचिब सुरेश लाल श्रेष्ठले बताए ।
नेवा: संस्कृति भोषाको प्रर्बद्धन तथा जर्गेना गर्ने व्यक्ति वा संस्था पुरस्कार पनि प्रदान गर्दै आएको छ । २ लाख राशीको नगद रहेको पुरस्कार सुर्दशन कपिला सिरपा नाम रहेको छ ।