विराटनगर । १ नम्बर प्रदेश प्रहरी प्रमुख डिआइजी श्याम लाल ज्ञवालीले प्रदेशमा शान्ति सुरक्षाको अवस्था सुदृढ बनाउदै सुशासन कायम गराउन खरो रूपमा उत्रिने प्रतिवद्धा जनाएका छन् ।

१ नं. प्रदेश प्रहरी कार्यालय प्रमुख भएर कार्यभाग समालेकोे भोलीपल्ट डिआइजी ज्ञवालीले बिहीबार आयोजना गरिएको संचारकर्मीहरूसँगको परिचयत्मक कार्यक्रम बोल्दै उनले शान्ति सुरक्षा शुव्यवस्थापन कायम गर्दै अपराध नियन्त्रणमा लागि पर्ने बताएका हुन् ।

सुन्य सहनशिलता अपनाउने सुशासन कायममा आफु लागि पर्ने उनले बताए । घटित अपराधको सफल अनुसन्धान गर्दै पुरानो पेन्डिङ मुद्दाको फर्छौड, फरार प्रतिवादीहरुलाई पक्राउ गरी कानुनि दायरामा ल्याउने पहिलो प्रथामिकता रहेको उनले बताए । ‘अदालतको फैसाला कार्यन्वयनमा प्रहरी संगठन लागि पर्नेछ,’ उनले भने, ‘अपराध गरेर फरार भएका प्रतिवादीलाई पक्राउ गरी कानुनी दायरमा ल्याउनेछौं ।’

लागूऔषधबाट हुने अपराध रोकथाम र नियन्त्रणमा पनि लागि पर्ने बताए । चाँडै तराइको झापा, मोरङ, सुनसरी र उदयपुरको जिल्लाहरूमा लागूऔषध विरुद्धको अभियान सुरू गर्ने उनले बताए । उनले प्रदेश सरकारसँग समन्य गरी शान्ति सुरक्षा कायम गराउँदै आम नागरिकको भरोसाको केन्द्र प्रहरी संगठन बनाउन लागि पर्ने बताए । प्रहरी संगठनभित्र शुद्धिकरण अभियान सँगै प्रहरीको मनोबल बढाउने काममा पनि ध्यान दिने उनले बताए ।

प्रहरी आचरण र ब्यवहारमा सुधार ल्याई अपराध रहित समाज निर्माणमा अहोरात्र खटिई मातहतका प्रहरीलाई निर्देशन दिए । उनले कानूनको परिधिमा रहेर जन चाहना बमोजमको प्रहरी सेवा प्रदान गर्न लागिपर्ने बताए ।
ज्ञावाली सरुवा भएर बुधबार मात्र १ नम्बर प्रदेश प्रहरी कार्यालय विराटनगर आएका हुन् । ज्ञावाली प्रहरी निरीक्षक रहदा २५ वर्ष अगाडी इलका प्रहरी कार्यालय रंगेलीको प्रमुख पनि भएर बसेका थिए ।

बिशेष गरेर अपराध अनुसन्धान, प्रहरी अपरेसन, कुशल नेतृत्व तथा प्रहरी व्यवस्थापन लगायत विषय सम्बन्धी राम्रो ज्ञान भएका उनले अपराध अनुसन्धानको क्षेत्रमा बिभिन्न चर्चित अपराधका घटनाहरुमा अनुसन्धानको नेतृत्व गरेका छन् ।