विराटनगर । खेलकुद क्षेत्रको विकासमा तीन तहको सरकारले लगानी गरिनुपर्ने एक कार्यक्रममा सहभागिहरुले बताएका छन् ।
विराटनगरमा रहेको मिल्स गोल्डकप फुटबल ट्रस्टको शनिबार भएको तेस्रो साधारण सभामा सहभागिहरुले यस्तो बताएका हुन् ।

कार्यक्रममा विराटनगर महानगरपालिका प्रमुख नागेश कोइरालाले खेलकुद क्षेत्रको विकासमा महानगरपालिका लागि पर्ने बताए । खेलाडीहरूले अन्तर्राष्ट्रिय स्तरमा चिनाउने भएकोल खेलकुद क्षेत्रमा महानगरपालिकाले लगानी गर्ने उनले बताए । विराटनगर भित्र हुने खेल क्षेत्रको लागि महानरले प्रयाप्त बजेट बिनायोजन गर्ने उनले बताए । कार्यक्रममा युवा व्यवसायी मनोज विक्रम शाहले खेलाडीहरूको उत्पादनमा राज्यले लगानी गरिनुपर्नेमा जोड दिए । उनले खेलकुद क्षेत्र चलायमन बनाएर अगाडी बढेमात्र नयाँ खेलाडीहरु उत्पादन हुने बताए ।

कार्यक्रममा मिल्स गोल्डकप फुटबल ट्रष्टका अध्यक्ष किशोर शाही, कोषाध्यक्ष विष्णु डंगोल, विराट गोल्डकप ट्रष्टका अध्यक्ष सन्तोष बानिया लगायतले खेलकुद क्षेत्रको विकासमा तीन तहको सरकार लागि पर्नुपर्नेमा जोड दिए ।
सोही अवसरमा विराटनगर १५ स्थित रानी युवा क्लब अगाडी मिल्स वृहत कभर्ड हलको शिलन्यास गरिएको छ । उक्त भवनको शिलान्यास मेयर कोइरालाले गरे ।