विराटनगर, चैत १०–कोरानो भाइरसको संक्रमणको जोखिम न्यूनीकरणका लागि विराटनगरको निजी क्षेत्रले समेत सक्रियता देखाएको छ । यसै क्रममा विराटनगर रोडशेष चोकस्थित सौगात हार्डवेयरले सेनिटाइजरसहित हात धुने व्यवस्था मिलाएको छ । रोडशेष चोकमा स्थापना गरिएको बेसिनबाट भारतबाट आउने र सर्वसाधारणले सेनिटाइजर र साबुले हात धुनेछन् ।

उनीहरुलाई जानकी पोलिट्यांकका प्रबन्ध निर्देशकसमेत रहनुभएका सन्तोष चौधरीले आज दोस्रो दिन सेनिटाइजरसहित २ सय ५० थान माक्स वितरण गरेका छन् । कोरोना भाइरसको संक्रमण नफैलियोस् भन्नका लागि हार्डवेयर अगाडी सर्वसाधारणहरलाई हातधुन सेनिटाइजरसहित वेसिन राखेको प्रबन्धक चौधरीले जानकारी दिए ।

उनले भिडभामा बढी सुरक्षाकर्मीहरु रहने भएका कारण जिल्ला ट्राफिक मोरङका प्रहरी निरीक्षक राकेशकुमार पौदार समेतलाई सेनिटाइजर र माक्स हस्तारण गरेका थिए । सौगात हार्डवेयर विराटनगरले रोडशेष चौकमा हरेक दिन विहान १० वजे २ सय ५० थान माक्स एक हप्तासम्म सर्वसाधारणहरुलाई वितरण गर्ने चौधरीले बताए ।