विराटनगर । छैटौं संस्करणको विराट गोल्डकप फुटबल प्रतियोगिता आगामी चैतको दोस्रो साताबाट हुने भएको छ ।

विराट गोल्ड कप फुटबल ट्रष्टले सोमबार पत्रकार सम्मेलन गरी चैत ६ देखि १४ गते गतेसम्म विराटनगरको सहिद रंगशालामा फ्लडलाइटको माध्यमदेखि रात्रीकालिन गोल्डकप हुने जानकारी गराएको हो ।

गोल्डकप सफलता पुर्वक सम्पन्न गराउन विराटनगर महानगरपालिकाको मेयर नागेश कोइरालालाई संयोजकको जिम्मेवारी दिएको छ । ट्रष्टको केही दिन अगाडी बसेको बैठकले कोइरालालाई गोल्डकपको संयोजकको जिम्मेवारी दिएको हो ।

प्रतियोगितामा बिदेशी टिमसहित ‘ए’ डिभिजिनका टिमहरूको सहभागि हुने संयोजक कोइरालाले जानकारी दिए । ‘अहिले प्रराम्भिक चरणको पत्रकार सम्मेलन गरिएको हो । दोस्रो पटक हुने सम्मेलनमा गोल्डकपमा कुन–कुन टिमले भाग लिने त्यो सबै तयारी गरिनेछ,’ उनले भने ।

प्रतियोगितामा विदेशी टिमको सुनिश्चत नभएपनि भारत र क्यामरूनसहितका स्वदेशी ‘ए’ डिभिजनका टिमहरुसँग कुरा भइरहेहरुको आयोजकको भनाई छ । प्रतियोगितामा आयोजक टिम पनि हुने भएको छ । त्यसको लागि पनि खेलाडी जुटाउने काम भइरहेको संयोजक कोइरालाले बताए । ‘गोल्डकपमा आयोजकको टिप पनि सहभागि हुनेछ । जसमा आयोजक टिममा राष्ट्रिय र अन्तर्राष्टिय खेलाडीहरूले भरिपूर्ण हुनेछ,’ उनले भने ।

गोल्डकप ट्रष्टले बिगतको वर्षहरूमा भन्दा यस वर्षको गोल्कड बिजेताले पाउने राशी पनि बढाउने आयोजकको भनाई छ । यो वर्ष गोल्डकप बिजेता टिमले २० लाख ५१ हजार र उपबिजेता टिमले १० लाख ५१ हजार राशी हुने बताएको छ । छैठौ संस्करणमा गोल्डकप बिजेता टिमले १५ लाख १५ हजार र उपबिजेता टिमले ७ लाख ५१ हजार रुपैयाँ रहेको थियो ।
छैठौ संस्करणमा विराट गोल्डकपको उपाधि विभागिय टिम सशस्त्र प्रहरी (एपीएफ) काठमाण्डौंले जितेको थियो । पाहुना टोली भारतको पंजाव पुलिसलाई १– ० ले हराउँदै एपीएफले उपाधि जितेको थियो ।

२०१८ सालदेखि तत्कालीन राजा महेन्द्र शाहको नामबाट महेन्द्र गोल्डकपको रुपमा यसको सुरुवात भएको इतिहास छ । ३९ वर्षसम्म नियमित रुपमा भइरहेको प्रतियोगिता २०५७ सालदेखि भने निक्कै लामो समय बन्द भयो । ११ वर्षसम्म गोल्डकप हुनै सकेन ।
त्यसपछि नाम परिवर्तन गर्दै महेन्द्रबाट विराट गोल्डकप बनाएर २०६८ सालदेखि प्रतियोगिता सञ्चालन गर्न थालिएको हो । २०७० सालमा हुन नसकेको यो प्रतियोगिता आयोजक परिवर्तन गरेर २०७१ बाट गर्न थालिएको छ ।