विराटनगर, माघ ३–प्रदेश नम्बर एकका प्रदेश प्रमुख सोमनाथ अधिकारी प्यासीले प्रदेश सरकारले दुईवर्षको छोटो समयमा जनताको मन जित्न सफल भएको बताएका छन् । विराटनगर स्थित मुख्यमन्त्री कार्यालय परिसरमा आज विहान आयोजित प्रदेश सरकारको दोश्रो वार्षिकउत्सव कार्यक्रममा वोल्दै उनले यस्तो बताएका हुन् ।

प्रदेश प्रमुख प्यासीले शान्ती सुरक्षा, विकाश निर्माण , सुशासन तथा समवृद्धी कायम गर्न प्रदेश सरकार सफल भएको बताए । उनले आगामी दिनमा पनि सरकारले आफनो कामकार्वाहीलाई प्रभावकारी रुपमा अगाडी वढाउदै जानुपर्नेमा जोड दिए । सो अबसरमा प्रदेश एकका मुख्यमन्त्री शेरधन राईले सिमित साधन श्रोतका वावुजुदपनि प्रदेश सरकारको दुईवर्षे कार्यकाल उल्लेखनिय र परिणाममुखी भएको बताए ।

‘प्रदेश सरकार स्थापनाकाबेला हामीले गुन्द्री र पिरामा बसेर काम गर्नु पर्यो । थुप्रै समस्याहरु थिए । संघियता कार्यान्वयन शुन्यबाट सुरु भयो । यो अवधिमा हामीले विकासको जग बसाई सकेका छौँ ।’ उनले भने,‘प्रदेश सरकारले कानुन निर्माण देखी जनताको न्युुनतम आकांक्षा पुरागर्दै विकाश निमार्णको कामलाई समेत गति दिन सफल भएको छ । प्रदेशिक संरचना व्यवस्थित गर्दै प्रदेश न १ मा स्वदेशी तथा विदेश लगानी भित्राउन प्रदेश सरकार सफल भएको छ ।

मुख्यमन्त्री राईले प्रदेश सरकारले लगानी सम्मेलन आयोजनगर्न लागेको जानकारी दिए । उनले सो अवधीमा प्रदेश सरकारले २७ किलोमिटर कालोपत्रे, १ सय २९ किलोमिटर ग्रभेल, १० वटा ठुलाठुला मोटरेवल पुल, १५ वटा झुलुंगेपुल तथा १ सय १० वटा खानेपानी योजना प्रदेशमाा सम्पन्न गर्नुुका साथै जनता आवास कार्यक्रम अन्र्तगत १ सय ७१ वटा पक्कि घरहरु समेत निर्माण गरेको जानकारी दिए । २०७४ साल फागुन ३ गते प्रदेश १ सरकार गठन भएको थियो ।