राशिफल

साना किसान कृषि सहकारी अमरदहको सातौँ साधारणसभा सम्पन्न

 न्यूज विराट

विराटनगर, २३ पुस । मोरङको सुनवर्षी नगरपालिका–२ स्थित साना किसान कृषि सहकारी संस्था लिमिटेड अमरदहको वार्षिक साधारणसभा सम्पन्न भएको छ । शनिबार सुनवर्षी नगरपालिकाका मेयर श्याम प्रसाद राजवंशीको प्रमुख आतिथ्यतामा सहकारीको सातौँ वार्षिक साधारणसभा सम्पन्न भएको हो ।

अमरदहस्थित वीरेन्द्र सार्वजनिक माविमा आयोजित सहकारीको साधारणसभा सुनवर्षी नगरपालिकाका मेयर राजवंशीले उद्घाटन गरे । सो अबसरमा बोल्दै मेयर राजवंशीले नगरको विकासमा सहकारी क्षेत्रको समेत महत्यपूर्ण भूमिका हुने बताए । उनले सहकारीमैत्री नीति लागु हुनुपर्नेमा जोड दिँदै त्यसका लागि नगरपालिका लागि पर्ने बताए ।

मेयर राजवंशीले देशको अर्थतन्त्र सुदृढ बनाउन सहकारी क्षेत्रको महत्वपूर्ण भूमिका रहँदै आएकाले सो क्षेत्रका लागि अझ सहज नीति बन्नुपर्ने र त्यसमा नगरपालिका समेत अग्रसर बनेको बताए ।

उनले सुनवर्षी नगरपालिका कृषिका लागि उर्वर भूमी भएको बताउँदै किसानका समस्या समाधान र कृषि उत्पादकत्व बढाउन सिँचाईका लागि विद्युत महशुल निशुल्क गर्ने आफूले पहिलो निर्णय गरेको जानकारी दिए ।

मेयर राजवंशीले सहकारीले गाउँका साना किसान र कृषक समुहको आर्थिक अवस्था सुधार गर्न टेवा पुर्याउँदै आएकाले आगामी दिनमा थप सफलताको शुभकामना समेत व्यक्त गरे ।

सो अबसरमा सुनवर्षी नगरपालिकाकी उपमेयर मीरा देवी दास, सुनवर्षी–२ का वडाध्यक्ष विनोदकुमार राजवंशीलगायतले सरकारले सहकारीमैत्री नीति निर्माण गर्नुपर्नेमा जोड दिए ।

साधारणसभामा साना किसान कृषि सहकारी संस्था लिमिटेड अमरदहका अध्यक्ष टेक बहादुर भट्टराईले सञ्चालक समितिको प्रतिवेदन प्रस्तुत गरेका थिए । उनले गाउँका बचत कर्ता कृषकहरुहरुलाई संगठित गर्दै २०७२ सालमा ५० हजार रुपैयाँ पूँजीबाट सहकारी स्थापनन भएको जानकारी दिए । अध्यक्ष भट्टराईले हाल सहकारीको सदस्य संख्या बढेर ६ सय ६९ पुगेको बताए ।

उनले साबिकको अमरदह गाबिसलाई कार्य क्षेत्र बनाएर काम गर्दै आएको सहकारीका शेयर पूँजी ४ करोड ३० लाख रुपैयाँ पुगेको जानकारी दिए ।

सहकारीले समूह बचत, ब्यक्तिगत बचत, अन्तर समूह बचत, बाल बचत लगायतको शिर्षकमा बचत गर्दै आएको छ । त्यस्तै सहकारीले कुनै सदस्यको मृत्यु भएमा मृतकका परिवारलाई सहयोग गर्न राहत कोष समेत खडा गरेको छ ।

साधारणसभाको अबसरमा सहकारीले हेम नारायण राजवंशीको समुहलाई पुरस्कृत समेत गरेको छ । सहकारीले मोहरमी खातुन लगायतलाई पनि सम्मान गरेको छ ।

सम्बन्धित समाचार

सीएनआई कोशी एक्स्पो सुरू (फोटो फिचर)

विराटनगर । नेपाल उद्योग परिसंघ प्रदेश १ को आयोजनामा विराटनगरमा सीएनआई कोशी एक्स्पो सुरू भएको छ । विराटनगर – २ शंकरपुरमा नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले बिहीबार उद्घाटन गरेपछि एक्स्पो सुरू...

डिएभी स्कुलमा स्पोर्ट्स मिट सुरू

विराटनगर । विराटनगर – १३ मा रहेको डिएभी स्कुलमा स्पोर्ट्स मिट सुरू भएको छ । स्कुल परिसरभित्र स्पोर्ट्स मिट सुरू भएको हो ।आइतबारसम्म संचालन हुने स्पोर्ट्स मिटमा एक दर्जन बढी खेलहरू रहेको डिएभी स्कुलका प्रिन्सिपल...

विराटनगरमा तेक्वान्दोको ग्रेडिङ परीक्षा कार्यक्रम सुरू

विराटनगर । विराटनगरमा तेक्वान्दो खेलको ग्रेडिङ परीक्षा कार्यक्रम सुरू भएको छ । प्रदेश नं. १ आइटिएफ तेक्वान्दो संघको आयोजनामा विराटनगरमा बिहीबारदेखि ग्रेडिङ परीक्षा सुरु भएको हो । तेक्वान्दोको कालोपेटी प्रथम, कालोपेटी दोस्रो र कालोपटी तेस्रो...

विराटनगर विमानस्थलमा ‘कन्भेयर बेल्ट प्रणाली’ सञ्चालन

विराटनगर । विराटनगर विमानस्थलले हवाई यात्रुको सुविधा अभिवृद्धि गर्ने योजना अनुरुप आजदेखि आगमन कक्षमा कन्भेयर बेल्ट प्रणाली( व्यागेज ह्याण्डलिङ्ग सिस्टम) सञ्चालनमा ल्याएको छ । मोफसलका विमानस्थलमा पहिलो पटके उक्त्त जडान गरिएको र यसको लागत दुई...