विराटनगर, ११ पुस । रोटरी क्लब अफ विराटनगर डाउनटाउनले बालबालिकाहरुसँग ‘क्रिसमस डे’ मनाएको छ । विराटनगरस्थित सीपी सेन्टरमा अपाङ्गता भएका बालबालिकाहरुसँग क्लबले ‘क्रिसमस डे’ मनाएको हो ।

रोटरी क्लब अफ विराटनगर डाउनटाउनले प्रत्येक वर्ष यसरीनै ‘क्रिसमस डे’ मनाउँदै आएको छ । सो अबसरमा बालबालिकाहरुलाई विभिन्न परिकारका खाना र फलफूलहरु खुवाउनुका साथै उनीहरुसँगै रमाएर ‘क्रिसमस डे’ को खुखि साटिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

त्यस्तै ‘क्रिसमस डे’ को अबसरमा केक समेत काटिएको थियो । कार्यक्रममा बालबालिकालाई उपहारसमेत प्रदान गरिएको थियो । उक्त कार्यक्रममा बालबालिकाहरु निकै उत्साहित र खुशि भएका थिए । सो अबसरमा क्लबका पदाधिकारी र सदस्यहरुको उपस्थिती रहेको थियो ।