विराटनगर । विराटनगर – ९ रेम्बो गल्लीमा रोयल तन्दुरी एण्ड कबाव हाउस संचालनमा आएको छ । रोयल विरयानी हाउसका चार जना संचालकले रोयल एण्ड कबाव हाउस शुक्रबार एक कार्यक्रम आयोजना गरी संचालनमा ल्याएका हुन् ।

२० लाख रूपैयाँ लागतमा संचालनमा आएको रोयल तन्दुरी एण्ड कबाव हाउसको लोकप्रिय परिकार चिकेन तन्दुरी र कबाव हो । पोलेर पकाउने चिकेन तन्दुरी यहाँको लोकप्रिय परिकारमा पर्दछ । तन्दुरी र कबाव बाहेक चाइनिज परिवारहरू पनि पाइने संचालक यासिर घिमिरेले जानकारी दिए । ‘स्तरीय परिवार खुवाउनु हरेक ग्राहकहरुलाई सन्तुष्ट पार्नु हाम्रो लक्ष्य हो र यसमा सफल पनि हुनेछौं । त्यसैले ग्राहकहरुवाट सकारात्मक प्रतिक्रिया पाएका छौं,’ संचालक घिमिरेले भने ।

घिमिरे युवा व्यवसायी हुन् । उनी साउँदीमा होटलमा काम गरेपछि स्वदेशमा व्यापार व्यवसायी संचालन गर्ने उद्देश्यले उनीसहित पप्पु अन्सारी, अमिर लिम्बु र कमल श्रेष्ठ मिलेर ट्राफिक चौकमा रोयल बिरयानी हाउस संचालनमा ल्याएका थिए । छोटो समयमा ग्राहकको रोजाइमा विरयानीले मन जित्न सफल पनि भएको छ । यसको शाखा विस्तार पनि भइरहेको छ । बिरयानीपछि उनीहरूले रोयल तन्दुरी एण्ड कबाव हाउस संचालनमा ल्याएका हुन् ।