विराटनगर । विराटनगर महानगरपालिका ४ मा एक महिने ब्यूटिपार्लर तालिम सुरू भएको छ । सिक्वीन ब्यूटि पार्लरको आयोजना र विराटनगर महानगरपालिका ४ नं. वडाको आर्थिक सहयोगमा ब्यूटि पार्लर तालिम सुरू भएको हो ।

ब्यूटिपार्लर तालिमको उद्घाटन विराटनगर ४ का वडाअध्यक्ष जितेन थापाले गरे । उनले कार्यक्रममा बोल्दै महिलाहरूलाई आत्मनिर्भर बनाउन यस्ता तालिमलले ठुलो सहयोग पुग्ने बताए । उनले आगमी दिनमा महिलाहरुलाई आत्मनिर्भर बनाउने क्षमता अभिवृद्धीमा पनि वडा कार्यालय अगाडी बढने बताए । कार्यक्रममा विराटनगर ४ नं. वडाका वडा सदस्य सरीता घिमिरेले घरको चुलोचौकमा व्यस्त रहने महिलाहरूलाई आत्मनिर्भर बनाउन यस्ता तालिमलले सहयोग पुग्ने बताइन् ।
महिलाहरूलाई आत्मनिर्भर बनाउने उद्देश्यले ब्युटिपार्लर तालिम दिएको सिक्वीन ब्यूटि पार्लरका संचालक तथा ब्यूटिसियन कला डाँगीले बताइन् । तालिमको प्रशिक्षक ब्यूटिसियन कला डाँगी र बीना अधिकारी रहेकी छिन् । तालिममा ३० जना महिलाहरूको सहभागि रहेको छ ।