विराटनगर । मोरङ क्षेत्र नं. ४ (२) का उम्मेदवार तथा विराटनगर महानगरपालिका पूर्व मेयर भीम पराजुलीले आफूले चुनाव जितेर गएपछि पाँच वर्षे विकासको रोडम्याप बनाएर जनताको काम गर्ने बताएका छन् । मोरङको कटहरी आयोजना गरिएको चुनावी सभामा सम्बोन्धन गर्दै पराजुलीले यस्तो प्रतिबद्धता जनाएका हुन् । 

आफूले विराटनगर महानगरपालिकाको कुशलतापूर्वक नेतृत्व गरेकोले प्रदेशको पनि त्यसै गरी विकासको काम गरेर अगाडी बढ्ने उनले बताए । स्वास्थ्य, शिक्षा, कृषि र पूर्वाधारलाई प्राथमिकता राखेर काम गर्ने उनले बताए । कटहरिको कृषि बजार लाई व्यवस्थित गर्दै यहाँको विकासमा लागि पर्ने उनको भनाई छ । 

संसदमा नीति बनाउन जाने भए पनि नागरिकलाई विकाससँग जोड्न आफूले सक्दो पहल गर्ने बताए । जनता विकासको पर्खाइमा रहेको आफूले महसुस गरेको भन्दै क्षेत्र नं. ४ को विकासमा आफू लागि पर्ने प्रतिबद्धता उनले जनाए ।

आफू यस पटक प्रतिगमनलाई परास्त गर्न र जनजीविकाको पक्षमा संसदमा आवाज उठाउन चुनावमा होमिएको उनको भनाइ थियो । जनताको अवस्था बदल्नुपर्ने भएकोले विकास र रोजगार सृजनामा जोड दिने उनले बताए ।