विराटनगर । २८ औं राष्ट्रिय कण्डम दिवसमा विराटनगरमा विभिन्न सचेतना मुलक कार्यक्रम आयोजना गरी मनाएको छ । यौनरोग, प्रजनन स्वास्थ्य, परिवार नियोजन लगायतका क्षेत्रमा काम गर्ने संघसंस्थाले आज विराटनगरमा विभिन्न चेतनामूलक कार्यक्रमको आयोजना गरी कण्डम दिवस मनाएको हो ।
परिवर्तनशिल समाज, आम्दा नेपाल, चिरमन्ड फलोसिप, स्पर्श नेपाल, परिवार नियोजन संघ, एआरटि सेन्टर कोशी अस्पताललगायतको संघसंस्थाहरुले कण्डम दिवस मनाएको छ । दिवसको अवसरमा आयोजित कार्यक्रमहरुमा एचआईभी एड्स, यौनरोग तथा अनिच्छित गर्भ रहनबाट बच्न कण्डमको प्रयोग गर्नुपर्ने, कण्डम प्रयोग गर्दा अपनाउनुपर्ने सावधानी लागयतका विषयमा जानकारी गराएको परिवर्तनशिल समाजकी कार्यक्रम संयोजक मुस्कान श्रेष्ठले जानकारी दिइन् । उनका अनुसार शनिबार साझ विराटनगरको रोडशेष चौकमा कण्डम बितरण गर्नुको साथै दिप प्रज्वलन कार्यक्रम पनि आयोजना गरिएको जानकारी गराइन् ।

कण्डम दिवसको अवसरमा यसको जानकारी दिन कण्डम बितरण गरिएको उनले बताइन् । कण्डम स्टल राखेर यसको प्रयोग, प्रयोगबाट हुने फाइदा, प्रयोग गर्ने तरिकाको जानकारी दिनुका साथै निःशुल्क वितरण गरिएको आम्दा नेपालका अशोक चौधरीले जानकारी गराए ।