स्थानीयलाई मार्का नपर्नेगरी हुलाकी राजमार्ग विस्तार गर्न र क्षतीपूर्ती दिन कटहरीबासीको माग - News Birat

स्थानीयलाई मार्का नपर्नेगरी हुलाकी राजमार्ग विस्तार गर्न र क्षतीपूर्ती दिन कटहरीबासीको माग

न्यूज विराट

विराटनगर, १० चैत । विराटनगर–रंगेली सडकखण्डमा निर्माणाधीन हुलाकी सडकको विस्तार गर्दा स्थानीयलाई कम मार्का पार्ने गरी विस्तार गर्नुपर्ने कटहरीबासीले माग गरेका छन् । स्थानीयवासी सम्मिलित हुलाकी सडक संघर्ष समिति कटहरीले मंगलबार सो विषयको ज्ञापनपत्र गाउँपालिकालाई बुझाएको छ ।

कटहरी बजारको पश्चिमी सिमानाबाट मंगलबार दिउँसो स्थानियले ¥याली निकाल्दै गाउँपालिकालाई ज्ञापन बुझाएका हुन् । ¥यालीसहित गाउँपालिका पुगेका स्थानीयको तर्फबाट हुलाकी सडक संघर्ष समितिका अध्यक्ष श्रीराम कामतले गाउँपालिकाकी उपप्रमुख मंजिता सरदारलाई ज्ञापनपत्र हस्तान्तरण गरे । उनले हुलाकी सडक विस्तार गर्दा स्थानीयको नम्बरी घरजग्गा मासिने भएकाले उचित क्षतिपूर्ति उपलब्ध गराउनुपर्ने माग गरे ।

यसअघि नै सर्वोच्च अदालतको आदेशसमेत आइसकेकाले त्यो आदेश कार्यान्वयन गराउनसमेत उनले माग गरे । ‘उचित क्षतिपूर्तीका लागि सर्बोच्च आदलतले आदेश दिइसकेको छ । तर पनि हामीलाई मार्का पार्नेगरि राजमार्ग विस्तारको काम भइरहेको छ ।’ उनले भने,‘सडकको बीचको केन्द्रबाट ५०÷५० फिट बिस्तार गर्दा कटहरी बजारका १० बढी परिवारको उठिवासनै हुन्छ ।’ उनले सडकको बीचबाट ४०÷४० फिटको मापदण्ड कायम गरिए ती परिवारहरुलाई पूर्ण विस्थापित हुनबाट जोगाउन सकिने बताए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles