विराटनगर । विराट व्यापार सङ्घले जिल्ला प्रहरी कार्यालय मोरङलाई १६ थान डिजिटल सेट फोन वितरण गरेको छ ।
बुधवार एक कार्यक्रम आयोजना गरी १६ थान डिजिटल सेट फोन मोरङ प्रहरीलाई वितरण गरेको हो ।

विराट व्यापार सङ्घका अध्यक्ष नरेश खत्रीसहितका कार्यसमिति सदस्यहरूले मोरङ प्रहरीका प्रमुख एसपी शान्तिराज कोइरालालाई डिजिटल सेट फोन हस्तान्तरण गरेका थिए ।
प्रहरीको आन्तरिक सूचना प्रणाली व्यवस्थापनको लागि डिजिटल सेट फोन हस्तान्तरण गरेको विराट व्यापार सङ्घको अध्यक्ष खत्रीले बताए । ६२ हजार १ सय मूल्य बरावरको उक्त फोन हस्तान्तरण गरेको उनले बताए ।
कार्यक्रममा एसपी कोइरालाले प्रहरीको काम कारबाहीमा डिजिटल सेट फोनले सहजता प्रदान गर्ने बताए । ‘प्रहरीको आन्तरिक सूचना प्रणाली व्यवस्थापनको लागिको डिजिटल सेट फोनले ठुलो सहयोग मिल्नेछ,’ एसपी कोइरालाले भने, ‘सबै फाटमा इन्टरकम सेटबाट खबर गरिनेछ ।’ एसपी कोइरालाले सीमित श्रोत साधनको प्रयोग गरेर शान्ति सुरक्षामा प्रहरी लागी परेको उनले बताए ।