विराटनगर । प्रहरीको हाकिम हुँ भन्दै धम्क्याएर व्यापारीसँग रकम असुली गर्ने गिरोहका एक जना सदस्यीय पक्राउ परेका छन् । मोरङ प्रहरीले विराटनगर महानगरपालिका–२ का २९ वर्षीय रविन घिमिरेलाई पक्राउ गरेको हो ।

पक्राउ परेका घिमिरेले प्रहरीको हाकिम भन्दै व्यापारीहरूसँग रकम असुली गरेको पाइएपछि पक्राउ गरिएको मोरङ प्रहरीका प्रवक्ता डिएसपी दीपक श्रेष्ठले जानकारी दिए । उनका अनुसार प्रहरीको हाकिम हुँ भन्दै व्यापारीलाई धम्क्याएर रकम मागेको खुलेपछि घिमिरेलाई विराटनगर–१५ स्थित १ नम्बर ढाटबाट पक्राउ गरिएको हो ।

घिमिरेविरुद्ध अभद्र व्यवहार मुद्दा चलाउन प्रहरीले मङ्गलवार म्याद थप गरेर घटनाको बाँकी अनुसन्धान अघि बढाएको छ ।