विराटनगर, २३ भदौ । निरन्तर विभिन्न सामाजिक कार्यहरु रोटरी क्लब अफ विराटनगर डाउनटाउनले विद्यार्थीहरुलाई विद्यालय पोशाक वितरण गरेको छ ।

क्लबले विश्व साक्षरता दिवसको अवसरमा विराटनगर खार्जी स्थित ज्योती आधारभूत विद्यालय अध्ययनरत विद्यार्थीहरुलाई पोशाक वितरण गरेको हो । विद्यार्थीहरुको अध्ययनमा सहयोग गर्ने उद्देश्यले पोशाक, जुत्ता र मोजा वितरण गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

पोसाक वितरण कार्यक्रमको संयोजक क्लबकी लिट्रेसी चेयर मुक्ता तोदीले गरेकी थिइन् । सो अबसरमा क्लबका पदाधिकारी, सदस्यहरु, सन्तोष तोदीको उपस्थिती रहेको क्लबकी सचिव नमिता टिवडेवालले बताइन् ।

मोरङका शिक्षा तथा समन्वय इकाई प्रमुख टंकप्रसाद गौतमको प्रमुख आतिथ्यतामा बालबालिकालाई पोसाक वितरण गरिएको थियो । पोसाक, जुत्ता र मोजा एनआईसी एसिया बैंकले स्पोन्सर गरेको हो ।