विराटनगर भृकुटी चोकमा सञ्चालित रुबी इन्टरप्राइजेजले बिजुलीको आपूर्तीबाट सञ्चालन हुने समानहरू तथा घरायसी प्रयोगका विभिन्न सामानमा शंकास्पद कारोबार गरिरहेको स्थानीयले आरोप लगाएका छन् ।

सामानको रकम दिएको १८ दिनमा ५० प्रतिशत छुटमा विभिन्न सामान उपलब्ध गराउने स्किम चलाएको रूबीले गरिरहेको कारोबार शंकाको घेरामा तानिएको हो ।

समान अर्डर गरेको १८ दिनमा सामानको परल मूल्यमा ५० प्रतिशत छुटमा समान दिने स्किम ल्याएको रूबी सो स्किम सँगै ग्राहकलाई दुई वटा विकल्प दिने गरेको छ ।

पहिलो विकल्पमा आफूले लिएकै सामानको कुपन अझ दुई जना ग्राहकलाई बिक्री गरेमा परल मूल्यको ५० प्रतिशतमा समान दिने दावी गरेको रूबी दोस्रो विकल्प अनुसार ५० प्रतिशतमा ५ प्रतिशत थप सेवा शुल्क लिएर सामान ग्राहक लाई दिने रूबीको स्किम रहेको छ ।

विराटनगर–५ का वडाध्यक्ष सन्तोष न्यौपानेले रुबी इन्टरप्राइजेज विदेशीको नाममा दर्ता भएको व्यपारिक संस्था भएको र रूबिजले दिने गरेको स्किमले शंका उब्जाएको भन्दै सामान्य सोधपुछको लागि सञ्चालकलाई प्रहरीले नियन्त्रणमा लिएको बताएका छन् ।

रूबिजले स्थानिय प्रशासन तथा जनताले गरेको शंकाको उचित जबाब दिए निर्बाध रूपमा कानुनले दिएको दायरामा व्यवसाय सञ्चालन गर्न पाउने बताएका छन् ।

यसैबिच सो पसल सञ्चालकलाई प्रहरीले नियन्त्रणमा लिएको छ । मोरङ प्रहरीका प्रवक्त दिपक श्रेष्ठले अहिले सञ्चालक प्रहरी नियन्त्रणमा रहेको र सो विषयमा अनुसन्धान भइरहेको हाम्रो विराटनगरलाई जानकारी दिए ।