विराटनगर । मोरङ प्रहरीले एक जना फरार अभियुक्त पक्राउ गरेको छ । पाँच वर्ष ११ महिना २८ दिन कैद र ९ लाख ४० हजार ५ सय जरिवाना तोकेको फरार अभियुक्तलाई पक्राउ गरेको हो । प्रहरीले फरार अभियुक्त विराटनगर महानगरपालिका १७ बस्ने ५० वर्षीय महमदजुवेर मियालाई पक्राउ गरेको मोरङ प्रहरीका प्रवक्ता डिएसपी दीपक श्रेष्ठले जानकारी दिए ।

डाका मुद्दाका अभियुक्त मियालाई मोरङ जिल्ला अदालतले २०७५ असोज १ गते ५ वर्ष ११ महिना २८ दिन कैद र ९ लाख ४० हजार ५ सय जरिवाना सजाय हुने फैसला गरेको थियो । फरार रहेका अभियुक्त मियालाई पक्राउ गरी मोरङ अदालतमा उपस्थित गराएपछि कैद सजाय भुक्तानको लागि मोरङ कारागार पढाएको छ ।