विराटनगर । विराटनगरमा लामो समयपछि पुल पार्टी हुने भएको छ । चर्चित डिजे कडीको साथमा विराटनगरको हाटखोलास्थित आरके सिटी सेन्टरको सातौँ तलामा रहेको ‘स्काइ लन्च’ रेस्टुरेन्टमा पुल पार्टी शनिवार दिउँसो २ बजेबाट सुरु हुने भएको हो ।

कोभिड १९ सङ्क्रमण फैलिएपछि विराटनगरमा पुल पार्टी भएको थिइन् । चर्चित डिजेको साथमा रमाइलो गर्ने उद्देश्यले पुल पार्टी आयोजना गरिएको आरके सेन्टरका व्यवस्थापक प्रमुख संजीव गजमेरले जानकारी दिए । स्काइ लन्चमा रहेको स्वीमिङ्ग पुल नजिक पुल पार्टी हुनेछ । पुल पार्टीमा ¥यापर परितोषसहित गायक त्रिलोकको साङ्गीतिक प्रस्तुतिले थप मनोरञ्जन प्रदान गर्ने व्यवस्थापक प्रमुख गजमेरले बताए । ‘विराटनगरमा हुन लागेको यस्तो खालको पुल पार्टी पहिलो हो । जुन भव्य र सभ्य हुनेछ,’ उनले भने, ‘लामो समय हुन नपाएको यस्ता खाले यो पुल पार्टीमा युवाहरूले चर्चित डिजेको साथमा रमाइलो गर्नेछन् ।’